Ձեր վստահելի աղբյուրը

Սահմանադրական իրավունքի մասնագետ Գոհար Մելոյանը գրում է.

«Պասերով համագործակցություն

ՄԻՆՉ իշխող խունտան շուրջ 3 տարի  արհեստական խաղաղասիրություն է քարոզում՝ նպատակամղված ձևով կոտրելով պատերազմական իրավիճակում գտնվող մեր հասարակության մարտական ոգին.

1. այնուհետև՝ ապիկարորեն կամ դիտավորյալ հասցնում է մեզ խայտառակ ու ողբերգական ելք ունեցող պատերազմի՝ արձանագրելով հայոց պատմության աղետալի էջերից հերթականը.

2. ապա շարունակում է քարոզել, թե ինչ հոյակապ ապագա է սպասվում արյունարբու թշնամիների հետ մերձենալու արդյունքում՝ բացելով կոմունիկացիաները եւ մոռանալով հազարավոր մեր զոհերին.

3. ապա մանիպուլյատիվ հիմքեր է ստեղծում բանակի կազմաքանդման համար՝ մարդկանց ուշադրությունը բթացնելով Դամոկլյան սրի պես մեր գլխին կախված վտանգից.

4. միաժամանակ հող է նախապատրաստում, որ բանակի կազմաքանդման մեղքը ևս բարդի «ժողովրդի» անհամաչափ ծանր բեռից կքած մեջքին.

ՈՐՊԵՍԶԻ Ալիևը սպառնա հերթական պատերազմով ու Զանգեզուրի պահանջով, իշխող ուժի գլխավոր ստահակն էլ առանց կռվի հանձնի հայրենիքի հերթական մասը։

ԲԱՅՑ մեր ազգն իրական նժդեհներ էլ ունի, մոնթեներ էլ, որոնց առերեսվելու եք հայրենավաճառներ»։