Ձեր վստահելի աղբյուրը

Քաղաքագետ Ստեփան Դանիելյանը գրում է.

«Մոտ 20 տարի առաջ Ստամբուլում էի ու Պատրիարքի հետ  հանդիպում  ունեինք: Պատրիարքը շրջապատված էր կոստյումներով,  լավ պարապած կազմվածքով թիկնապահներով: Միանգամից երևում էր, որ պրոֆեսիոնալներ են: Թիկնազորը մեր ողջ հանդիպման ժամանակ ներկա էր ու ուշադրությամբ հետևում էր մեր խոսակցությանը: Զարմացել էի, որ հայ համայնքում այդքան լավ թիկնապահներ կան:

Հաջորդ օրը Հրանտ Դինքի հետ էինք խոսում, ու ինքը հարցրեց, թե նկատել էինք Պատրիարքի թիկնապահաներին: Բնականաբար, ասեցի ՝այո: Դինքն ասաց, որ համայնքում ոչ ոք այդ թիկնապահներին չի ճանաչում, ու հետաքրքիրն այն էր, որ հայերեն հասկանում են, սակայն պարբերաբար փոխվում են:

Արդեն պարզ էր, որ թիկնապահները Թուրքիայի կառավարության հատուկ ծառայությունների ներկայացուցիչներն էին ու ոչ միայն ապահովում էին Պատրիարքի անվտանգությունն, այլև նրան հետևում են: Ըստ էության, ազատությունից զրկված էր Պատրիարքը:

Հիմա իմ մոտ նույն զգացողությունն է, որ Թյուրիմացությունը Պատրիարքի նման շրջապատված է նմանատիպ թիկնապահներով ու դեռ հարց է, թե որ երկիրն են նրանք ներկայացնում: Բացառված չէ, որ Պատրիարքի հայերեն լավ հասկացող թիմնապահներին հիմա էլ Երևան են գործուղել»։