Ձեր վստահելի աղբյուրը

Մեղրիի քաղաքապետ Մխիթար Զաքարյանն ազատ արձակվեց, դատարանը ոչ իրավաչափ ճանաչեց նրա ձերբակալությունը։

Զաքարյանին մեղադրանք է առաջադրվել ՀՀ ՔՕ 258-րդ հոդվածի 3-րդ մասի 1-ին, 2-րդ և 5-րդ կետերի (խուլիգանություն) հատկանիշներով։

«Ամեն ինչ նորմալ է»,- դատարանից դուրս գալով՝ ասաց Մխիթար Զաքարյանը։ 

Մ. Զաքարյանի պաշտպան Գայանե Պապոյանը լրագրողներին ասաց, որ դեռ չեն հասցրել մանրամասն ծանոթանալ դատարանի որոշմանը, միայն նկատել է, որ արձանագրված է հիմնավոր կասկածի բացակայությունը։

Նա հայտնեց, որ ներկայացվել է միջնորդություն կալանավորումը որպես խափանման միջոց ընտրելու վերաբերյալ, մակագրվել է  դատավոր Միսակյանին։ Պաշտպաններին տեղեկացրել են, որ ապրիլի 24-ին ժամը 13։00-ին դատական նիստ է տեղի ունենալու կալանավորման հետ կապված։

Կալանավորումն առաջադրված մեղադրանքի հիման վրա է։