Ձեր վստահելի աղբյուրը

ՀՅԴ ԳՄ անդամ Արծվիկ Մինասյանի քրոջ որդուն՝ Հայկ Հեքիմյանին,  մեղադրանք է առաջադրվել, միջնորդել են նրան կալանավորել։

«Դատախազության մոտ տեղի ունեցած քաշքշոցի ընթացքում բերման է ենթարվել շուրջ 14 անձ, հարուցվել է քրեական գործ խուլիգանության հոդվածով: Ակնհայտ ապօրինի է, չկա խուլիգաության  հանցակազմի նվազագույն տարրերն անգամ: Դրա հաջորդ օրը՝ ջահերի երթից առաջ, բերման են ենթարկել Հայկ Հեքիմյանին այն հիմնավորմամբ, իբր  բռնի գործողություն է ձեռարկել  ոստիկանի նկատմամբ»,- դատարանի մոտ լրագրողներին ասաց Արծվիկ Մինասյանը:

Նա նշեց, որ երբ դիտարկում են տեսագրությունները, երևում է, որ ոստիկանը մի քանի անգամ  հարվածում է  Հայկի դեմքին, ի պատասխան այդ հարվածների, Հայկը ձեռքի ափով 2-3 անգամ հարված է հասցնում ոստիկանին,  որը չէր կարող առաջացնել որևէ հետևանք:

«Այս արաքը մի կողմից ինքնապաշտպանական էր, մյուս կողմից էմոցիոալ  ֆոնը  թուլացնելու համար էր: Հետագայում Հայկի վարքագիծը  շատ ավելի հանգիստ է, կանգնած է, օժանդակություն է  ցուցաբերում ոստիկանների, քաղաքացիների»,- նշեց Ա. Մինասյանը:

Նրա խոսքով, այստեղ ոչ միայն որևէ  հանցագործություն  չկա, այլ նշույլ անգամ չկա. «Մինչդեռ տեսնում ենք, որ դատախազությունն ու քննչական մարմինները  հետևողականորեն  փորձում են Հայկին ազատությունից զրկել: Իրականացրեցին ձերբակալություն, Շենգավիթի ընդհանուր իրավասության դատարանը, դատավոր Պապոյանի կողմից, ձերբակալությունը ճանաչեց ոչ իրավաչափ, ազատ արձակվեց, բայց նույն պահից սկսած քննչական մարմիններն ու դատախազությունը, խախտելով բոլոր օրենքները, սկսեցին կալանավորման գործընթաց»:

Ըստ ՀՅԴ-ական գործի, դատարանը քննելու է Հայկի կալանավորում, որը թե իրավական, թե բարոյական, թե հանրային ընկալմեն տեսակետից մերժելի է:

«Այն, ինչ կատարվում է,  կատարվում է մեկ մարդու և մեկ  խմբակի ուղիղ ցուցումով, հակաօրինական, հակասահմանադրական, ապօրինի կերպով փորձում են դիմադրող երիտասարդներին սահմանափակել, նրանց նկատմամբ իրականացնել վարույթներ, նրանց զրկել ազատությունից»,- ընդգծեց Ա. Մինասյանը:

Նրա ներկայացմամբ, դատախազությունը գտնում է, որ պետք է Հայկին կալանավորեն, «քանի որ հետպատերազմյան շրջանում ՀՀ-ում շարունկավում է  բողոքի ակցիաները, հավաքները,  հետևաբար հավանականությունը մեծ է, որ Հայկը ազատության մեջ մնալով՝  կկատարի հանցագործություն»:

«Այսիքն այս ձևակեպմամբ իրավապ մարմիններն ընդունում են, որ իրենց գործողություններն ունեն ակնհայտ, ընդգծված քաղաքական ուղղվածություն,  փորձում են Հայկից ստանալ քաղաքական բանտարկյալ:

Այդ հինավորումը աբսուրդի հասնող և ակնհայտորեն անտրամաբանական, հակաիրավական մի ձևակերպում է»,- ասաց նա:

Արծվիկ Մինասյանը նշեց, որ իրենց պայքարը շարունակվելու է, այն ընդհատելու որևէ նպատակ չունեն:

«Սա հայրենիքի փրկության պայքար է, մեր կողմից որևէ զիջում չի լինելու»,- ասաց Ա. Մինասյանը: