Ձեր վստահելի աղբյուրը

Հնդկաստանում կորոնավիրուսից մահացածների թիվը նախօրեին գերազանցել է 200,000-ը։ Ըստ պաշտոնական տվյալների՝ 24 ժամվա ընթացքում առաջին անգամ հաղորդվել է ավելի քան 3000 մահվան մասին: Այս մասին գրում է Euronews-ը։

Առողջապահության նախարարությունը հայտնել է, որ երեքշաբթի օրվա դրությամբ երկրում բռնկումից մահացել է ընդհանուր առմամբ 201 187 մարդ, չնայած շատ փորձագետներ կարծում են, որ իրական ցուցանիշն ավելի բարձր է:

Հնդկաստանում ընդհանուր առմամբ գրանցվել է 18 միլիոն վարակ, վերջին 24 ժամվա ընթացքում գրանցվել է 360,000 նոր դեպք: Գրեթե վեց միլիոն նոր դեպք միայն ապրիլից է արձանագրվել:

Ներկայումս երկիրն ունի աշխարհում չորրորդ ամենաբարձր ցուցանիշը՝ զիջելով միայն ԱՄՆ-ին, Բրազիլիային և Մեքսիկային:

Հնդկաստանի դիակիզարանները չեն հասցնում այրել դիակների կույտերը։ Նյու Դելիում գերեզմանոցի տարածքները ծանրաբեռնված են, նոր տարածքներ են ավելացվում։

Տեղում ծանր իրավիճակ ապրողները նույնպես կարծում են, որ կառավարության կողմից տրամադրված զոհերի թիվը կասկածելիորեն ցածր է:

Մի շարք երկրներ սկսել են օգնություն ուղարկել Հնդկաստան, որտեղ հիվանդներին չի բավարարում նաև թթվծինը։