Ձեր վստահելի աղբյուրը

Ռուսական խաղաղապահ զորակազմը շարունակում է ապահովել ապրանքների տարանցումն այն տարածքների միջև, որոնք Ադրբեջանը օկուպացրել է 2020 թվականին իր իսկ կողմից Արցախում հրահրած պատերազմի հետևանքով:

ՌԴ ՊՆ-ի տարածած հաղորդագրության համաձայն՝ Էներգամատակարարման և ջրամատակարարման համակարգերը վերականգնելու, սոցիալական օբյեկտները և բնակելի շենքերը վերականգնելու համար, Մարդասիրական արձագանքման կենտրոնի ռուսական տասնհինգերորդ շարասյունը, որը բաղկացած էր 20 ԿանԱԶ մակնիշի ռազմական մեքենայից և ուղեկցող մեքենաներից, անցել է Մատաղիս-Քարվաճառ երթուղով՝ ապահովելով 420 տոննա բեռի առաքումը: Տեղափոխվել է պարենամթերք, շինանյութ և սարքավորումներ:

Ընդհանուր առմամբ, ռուս խաղաղապահների ուղեկցությամբ ավտոմեքենաների տասնհինգ շարասյուններով արդեն տեղափոխել է ավելի քան 2800 տոննա բեռ:

ՌԴ խաղաղապահներն ադրբեջանական կողմին օգնություն են ցուցաբերել նախորդ տարվա նոյեմբերի 9-ին Ռուսաստանի, Հայաստանի և Ադրբեջանի միջև ստորագրված եռակողմ հայտարարության հիման վրա: