Ձեր վստահելի աղբյուրը

Եվրախորհրդարանը որոշում է ընդունել Ռուսաստանի Դաշնության վերաբերյալ, որով կոչ է արվում պատժամիջոցներ կիրառել «Հյուսիսային հոսք 2», «Ռոսատոմ», «ռուս օլիգարխների» դեմ, ինչպես նաև անջատել Ռուսաստանի Դաշնությունը SWIFT միջազգային վճարային համակարգից` Ուկրաինա ներխուժելու դեպքում: Այս մասին նշված է բանաձևի տեքստում, որը հաստատվել է հինգշաբթի օրը Բրյուսելում կայացած նստաշրջանում:

Բանաձևին կողմ են քվեարկել ներկա 562 պատգամավոր, դեմ՝ 67-ը, գրում է ՏԱՍՍ-ը։

«Եվրախորհրդարանը պահանջում է, որ Եվրամիությունը նվազեցնի կախվածությունը Ռուսաստանից էներգետիկ ոլորտում, և կոչ է անում ԵՄ հաստատություններին և ԵՄ անդամ երկրներին դադարեցնել «Հյուսիսային հոսք 2»-ի ավարտը, ինչպես «Ռոսատոմի» կողմից ատոմակայանների կառուցումը», - ասվում է փաստաթղթում:

«Եթե ռազմական տեղակայումը (Ուկրաինայի սահմանին) վերածվի Ռուսաստանի Դաշնության կողմից Ուկրաինա մտնելու փորձի, ապա Ռուսաստանից պետք է անհապաղ դադարեցվի նավթի և գազի ներկրումը, Ռուսաստանը պետք է հեռացվի SWIFT վճարային համակարգից, բոլոր ռուս օլիգարխների ակտիվները պետք է սառեցվեն, և նրանց մուտքի արտոնագրերը չեղյալ հայտարարվեն», - ասվում է բանաձևում: