Ձեր վստահելի աղբյուրը

Ֆրանսիայի խորհրդարանի պատգամավորները, որոնք Հայաստանում են Հայոց ցեղասպանության միջոցառումներին մասնակցելու համար, այցելել են Եռաբլուր։ Այս մասին թվիթերում գրել է պատգամավոր Ֆրանսուա Պուպոնին։

«Մեծ հուզմունքով ես երեկ իմ գործընկեր խորհրդարանականների հետ կարողացա այցելել Երևանում գտնվող Եռաբլուր ռազմական գերեզմանատուն:

Ես կանգնեցի հայկական և արցախյան դրոշներով զարդարված գերեզմանների առջև: Ես գիտակցեցի զոհված զինվորների թիվն ու նրանց երիտասարդությունը, որոնք ընկան Արցախում վերջին բախման ընթացքում:

Ես ուզում եմ ցույց տալ ամբողջ հայ ժողովրդին, նրանց ընտանիքներին և սիրելիներին իմ ողջ աջակցությունը: Ես երբեք չեմ մոռանա նրանց զոհաբերությունն ու տառապանքները և երբեք չեմ դադարի պահպանել իմ նվիրվածությունը հայկական հարցին»,-թվիթերում գրել է Պուպոնին:

Հիշեցնենք, որ Պուպոնին նաև Ֆրանսիայի խորհրդարան բանաձևի նախագիծ է ներկայացրել՝ հայ գերիների անհապաղ ազատ արձակման վերաբերյալ:

C’est avec une grande émotion qu’hier j’ai pu visiter le cimetière militaire d’Erablur à #Erevan en compagnie de mes collègues parlementaires @bretonxavier @guyteissier @valerieboyer13 et @MDeprezAudebert. pic.twitter.com/HE2SktVYbo

— François Pupponi (@fpupponi) April 29, 2021