Ձեր վստահելի աղբյուրը

Էկոնոմիկայի նախարարության գյուղատնտեաան խորհրդատվության նորարությունների և մոնիտորինգի վարչության մարզային բաժինների 69 հաստիք կրճատվում է։ Աշխատակիցները ակցիա են անում կառավարության մոտ։ Վարչության աշխատակիցները պնդում են՝ հողը մշակողի հետ կապող միակ օղակն իրենք են:

«Կարող ենք ասել, որ խաչ ենք քաշում գյուղատնտեսության ոլորտի վրա: Եթե Հայաստանում գյուղատնտեսությամբ զբաղվում է 30 տոկոսը, այսպես խաչ կքաշենք գյուղատնտեսության վրա, առանց այն էլ չունենք գյուղնախարարություն»,- լրագորղներին ասաց էկոնոմիկայի նախարարության գյուղատնտեական խորհրդատվության նորարությունների և մոնիտորինգի վարչության  Արագածոտնի բաժնի գլխավոր խորհրդատուն:

Նա նշեց, որ ապրիլի 27-ի ժամը 18:15-ին մալբրիով  գրություն է եկել իրենց, որ օպտիմալացվել են:

«Իբր մոնիտորինգներ են արել, արդյունավետություն են գնահատել և այդ արդյունավետության հիման վրա է նման որոշում կաացվել»,- ասաց նա:

Հարցին՝ թե ինչո՞ւ են որոշել նման բան անել, միտումը ո՞րն է, նա կարծիք հայտնեց, որ միտումը թուրքական շուկա մտնելն է, թուրքական ապրանքներ բերելն է.  «Նախարար պարոն Վահան Քերոբյանը հենց եկավ նախարարություն, սկզբից ասաց, որ ավելի լավ է թուրքական շուկան բացվի, թուրքամետ քաղաքականություն ենք անում, գյուղոլորտով 10 տոկոսը զբաղվի»:

Տարբեր շրջանների վարչության աշխատակիցները նշեցին՝ բոլորն ունեն բարձրագույն կրթություն, իրենց խորհրդատվությունների կարիքն, իրոք, ունեն գյուղատնտեսները, իրենց խորհուրդների շնորհից գյուղատնտեսները կարողանում են իրենց գործելաոճում նորարարություններ մտցնել:

«Փաստի առաջ ենք կանգնել՝ մասնագետներ ենք, բայց մեզ գործից տուն են ուղարկում»,- ասաց Լոռու բաժնի ավագ խորհրդատուն:

«Մեր հանրապետությունը սակավահող երկիր է համարվել, 460  հազար հեկտար վարելահող ունենք, 50 տոկոսը չի մշակվում, սրանից հետո այդ տոկոսը կավելանա»,- նշեց մեկ այլ աշխատակից:

Գեղարքունիքի մարզային բաժնի գլխավոր խորհրդատու Սարիբեկ Դալաքայանն ասաց, որ իրենց բաժնից կոնկրետ 6 հոգի ազատվել է, չգիտեն՝ ինչ հիմնավորվմամբ:

«Չենք իմանում, թե ինչն է խնդիրը: Ուզում ենք հանդիպել նախարարին ու պարզել, թե որն է  պատաճռը: Եթե վատ ենք աշխատել, այլ բան, մեզ պարգևավճար են տրամադրել լավ աշխատանքի համար: Եթե վատ էինք աշխատել, ինչո՞ւ էին պարգևավճար տվել»,- ասաց նա:

Ս. Դալաքյանի կարծիքով, հավանաբար մեկ-երկու ամիս կլուծարվի ողջ կառույցը:

«Միակ նպատակը դա է, գյուղնախարարությունը լուծարեցին, աշխատակազմից մի չնչին տոկոսը մնաց, հիմա էլ վերացնում են խորհրդատվական կարծիքը: Այստեղ ենք, այս ընթացքում ամեն մասնագետ մոտ 10 զանգ ստացավ: Օրվա ընթացքում առնվազն 50-70 զանգ ենք ստանում խորհրդատվության համար: Յուրանքչյուր մարզում մնում են երեք աշխատակից, պարզապես չեն հասցնի նույնիսկ մի խմբային դասընթաց կազմակերպեն»,- նշեց Գեղարքունիքի մարզային բաժնի գլխավոր խորհրդատուն: