Ձեր վստահելի աղբյուրը

Ավստրալիացի գիտնականները պարզել են, որ սրտանոթային ժառանգական հիվանդություններ ունեցող մարդիկ հակված են ենթագիտակցորեն խուսափել սուրճից, մինչդեռ առողջ սիրտ ունեցողները հակված են սուրճ վայելել։ Այսպիսով, օրգանիզմն բինքն է որոշում, թե որքան կոֆեին է իրեն անհրաժեշտ: Այս մասին գրում է «ՌԻԱ Նովոստի»-ն՝ հղում տալով «American Journal of Clinical Nutrition»-ի հոդվածին։

Նշվում է, որ հետազոտության համար հիմք է հանդիսացել այն հանգամանքը, որ որոշ մարդիկ սուրճ չեն սիրում։ Նրանց հետաքրքրել է, թե արդյո՞ք դա կապված է համային նախասիրությունների հետ, թե՞ այլ պատճառ ունի։

Այսպիսով, Հարավային Ավստրալիայի առողջության և բժշկական հետազոտությունների ինստիտուտի (SAHMRI) գործընկերների հետ միասին նրանք վերլուծել են 39-73 տարեկան 390,435 մասնակիցների տվյալները, և պարզել, որ, իրոք, բարձր արյան ճնշմամբ, անգինա պեկտորով և առիթմիայով մարդիկ ավելի քիչ են սուրճ խմում:

Հեղինակները ուսումնասիրության մասնակիցների մոտ համեմատել են մարդու սուրճ խմելու հաճախականությունը նրա սիստոլիկ և դիաստոլիկ արյան ճնշման մակարդակի և ելակետային սրտի բաբախումների հետ, այնուհետև վերլուծել շպատճառահետևանքային կապերը:

Արդյունքում, հետազոտողները առաջին անգամ ապացույցներ են ձեռք բերել այն մասին, որ սուրճի օգտագործման մակարդակի վրա ազդում է մարդու սրտանոթային համակարգի գենետիկ առողջական վիճակը, որն արտացոլվում է արյան ճնշմամբ և սրտի բաբախելու հաճախությամբ։

Այսինքն ՝ գենետիկան ոչ միայն պատասխանատու է սուրճ խմելու ցանկության համար, այլ նաև կարգավորում է սուրճի սպառման քանակը՝ պաշտպանելով մարմինը կոֆեինի չափազանց մեծ չափաբաժիններից: