Ձեր վստահելի աղբյուրը

Իտալացի գիտնական, Սիցիլիայի տարածաշրջանային կառավարության ենթակայության տակ գտնվող կորոնավիրուսային վարակի գիտատեխնիկական հանձնաժողովի անդամ, բժշկության պրոֆեսոր Սալվատորե Կորաոն, «ՌԻԱ Նովոստի»-ին տված հարցազրույցում, խորհուրդ է տվել ընդունել C և D վիտամիններ, մելատոնին և ցինկ՝ COVID-ի ծանր ընթացքի ռիսկը նվազեցնելու համար:

Վեց ամսվա ընթացքում Իտալիայից և Սան Մարինոյից մի խումբ գիտնականներ, որոնց կազմում եղել են կլինիկական բժշկության, սննդաբանության և համաճարակաբանության մասնագետներ, Կորաոյի գլխավորությամբ վերլուծել և համակարգել են  մարդու մարմնի վրա ազդեցության վերաբերյալ ներկայումս առկա գրեթե բոլոր բժշկական հրապարակումները չորս հայտնի սննդանյութերի՝ C և D վիտամինների, մելատոնինի և ցինկի վերաբերյալ։

Այս լայնածավալ աշխատանքի արդյունքները հրապարակվել են «Nutrients» միջազգային գիտական ամսագրի ապրիլյան համարում:

«Մենք հայտնաբերել ենք դեղաքանակ, որը կարող է ցանկալի բարենպաստ ազդեցություն ապահովել: Օրինակ, օրական պետք է ընդունել մեկից երկու գրամ ասկորբինաթթու (վիտամին C), որը լավ հակաօքսիդիչ է: Ինչ վերաբերում է վիտամին D- ին, այն կարելի է ընդունել ամեն օր, գերադասելի է սնունդ ընդունելուց հետո, ինչը կարծես թե օպտիմալ լուծում է »,- ասել է Կորաոն:

Նա նաև խորհուրդ է տալիս ամեն երեկո 6-10 միլիգրամ մելատոնին ընդունել։ Եվ վերջապես, օրական մոտ 50 միլիգրամ մաքուր ցինկի ընդունումը մեծապես կօգնի իմունային համակարգին պայքարել վիրուսների դեմ: