Ձեր վստահելի աղբյուրը

Արցախի Հանրապետության ԱԺ նախագահն երեկո երեկոյան արձագանքեց Ադրբեջանի դեմոկրատիայի և  մարդու իրավունքերի ինստիտուտի ղեկավար Ահմեդ Սահիդովի՝ թվիթերյան էջում կատարած աղմկահարույց գրառումների շարքին՝ դրանք որակելով ադրբեջանական իշխանությունների հերթական սադրիչ գործելաոճի արտահայտություն։

Իսկ Սահիդովը մասնավորապես գրել էր, որ նոյեմբերի 10-ի փաստաթղթի մանրամասներին հայաստանցիներն ու սփյուռքի հայերը կարծես տեղեկեցված չեն, հունիսին Ստեփանակերտն ամբողջությամբ անցնելու է ադրբեջանական բանակի վերահսկողության ներքո։

«Հարցրեք Նիկոլ Փաշինյանին»,-գրել էր նա։

ԱՀ ԱԺ լրատվության և հանրության հետ կապերի բաժնի կողմից ԱԺ նախագահ Արթուր Թովմասյանի
հայտարարության մեջ ասված էր.

«2020թ նոյեմբերի 10-ի չարաբաստիկ հայտարարության մեջ Ստեփանակերտի՝ ադրբեջանական բանակի հսկողության տակ անցնելու մասին կետը բացակայում էր։

Այսօր Արցախի ժողովրդի անվտանգության երաշխավորը Արցախի բանակն ու  ռուս խաղաղապահ ուժերն  են։

Արցախն Ադրբեջանի կազմում կամ որևէ ուղղահայաց ենթակայության տակ չի  կարող լինել չի  կարող։
Համոզված ենք, որ ԵԱՀԿ  Մինսկի խմբի  հովանու ներքո  մենք վերականգնելու  ենք Արցախի ազատությունն ու անկախությունը նախկին ԼՂԻՄ-ի սահմաններում։

ԵԱՀԿ Մինսկի խմբի համանախագահող երկրների առաջնորդները ևս գիտակցում են, որ անվտանգության ապահովմանը զուգահեռ Արցախի ժողովրդի համար հրատապ է Արցախի կարգավիճակի հարցը։ Անվտանգություն և հստակ կարգավիճակ․ սրանցից մեկի բացակայության դեպքում Արցախը հայաթափվելու է։

Լիահույս ենք, որ մենք քաղաքակիրթ աշխարհի մի մասնիկն ենք և, որպես անկախ պետություն,  պատրաստակամ ենք   փոխշահավետ համագործակցության պայմանագրեր կնքելու ոչ միայն տարածաշրջանի երկրների,  այլև բոլոր  խաղաղասեր երկրների հետ։

Խաղաղ բանակցային գործընթացի այլընտրանքը պատերազմն է։ Մենք առաջարկում ենք արժանապատիվ խաղաղության օրակարգ»։

Թովմասյանի հայտարարության տարածումից 24 րոպե անց Արցախի ԱԺ լրատվության և հանրության հետ կապերի բաժնից ստացվեց խնդրանք. «Խնդրում ենք տեքստից  «ուղղահայաց» բառը հանել , հետո հրապարակել»։

ԱԺ նախկին պատգամավոր, «Եվրոպական ինտեգրացիա» ՀԿ նախագահ Նաիրիա Կարապետյանը ֆեյսբուքյան իր էջում, արձագանքելով սրան, գրել է.

«Երբ մեկ բառը որոշիչ է:

Ուրախ եմ, որ Արցախի Հանրապետության ԱԺ նախագահի խոսքը խմբագրվեց, լիահույս եմ, որ «ուղղահայաց ենթակայություն» եզրույթն այլևս որևէ տեղից չենք լսի…
Հակառակ դեպքում ստիպված ենք լինելու հերթական դիվանագիտական ճակատը բացել՝ այս բառակապակցության հետևանքների դեմ պայքարի համար»։