Ձեր վստահելի աղբյուրը

Եվրահանձնաժողովն առաջարկել է թուլացնել եվրոպական երկրներ մուտքի սահմանափակումները, հայտնում է «Գազետա.ռու»-ն՝ հղում անելով ԵՀ-ի հրապարակված փաստաթղթին:

«Հանձնաժողովն այսօր առաջարկում է անդամ պետություններին մեղմացնել Եվրամիություն ճանապարհորդության ներկայիս սահմանափակումները ՝ հաշվի առնելով պատվաստումների առաջընթացը և աշխարհում համաճարակաբանական իրավիճակի բարելավումը», - ասվում է փաստաթղթում:

Նշվում է, որ առաջարկվում է ԵՄ մուտքի իրավունք տալ ոչ միայն բարենպաստ համաճարակաբանական իրավիճակ ունեցող երկրների բնակիչներին, այլ նաև նրանց, ովքեր ուղևորությունից երկու շաբաթ առաջ անցել են կորոնավիրուսի պատվաստման երկու փուլ: Այս դեպքում պատվաստանյութը պետք է լինի եվրոպական կարգավորողի կողմից հաստատվածներից մեկը:

ԵՀ առաջարկը հստակեցնում է, որ անդամ պետությունները կարող են թույլատրել նաև ԱՀԿ արտակարգ օգտագործման ցուցակում ընդգրկված պատվաստանյութերով պատվաստված քաղաքացիների մուտքը: