Ամերիկացի գեներալը նախազգուշացնում է «միջազգային հնարավոր անկայունության» մասին

Քաղաքական 14:50 07/05/2021 Աշխարհում

Աշխարհը կարող է թևակոխել «հնարավոր միջազգային անկայունության» շրջան, որին նպաստում է Չինաստանի աճն ու վտանգավոր տեխնոլոգիաների առաջ գալը, ինչպիսիք են արհեստական ինտելեկտը և ռոբոտաշինությունը, որոնք կարող են կարևոր նշանակություն ունենալ պատերազմի ժամանակ, նախազգուշացնում է ԱՄՆ Գլխավոր շտաբերի պետերի միացյալ կոմիտեի ղեկավար Մարկ Միլին։ Այս մասին գրում է Ամերիկայի Ձայնը։

Գլխավոր շտաբերի պետերի միացյալ կոմիտեի ղեկավար, գեներալ Մարկ Միլին համեմատեց ներկա դարաշրջանը համաշխարհային պատմության այլ աշխարհաքաղաքական զարգացումների հետ, ներառյալ Հռոմեական կայսրության անկումը և Խորհրդային Միության փլուզումը:

«Մենք թևակոխում ենք հնարավոր միջազգային անկայունության շրջան», - ասաց Միլին Հովարդի համալսարանում:

Ըստ Միլիի, Չինաստանի վերելքը փոխում է տասնամյակներ հաստատված ստատուս քվոն, երբ ԱՄՆ-ը, ըստ էության, «անվիճելի գլոբալ ռազմական, քաղաքական և տնտեսական գերտերությունն էր»:

Նա նախազգուշացրեց, որ աշխարհաքաղաքական փոփոխություններն ուղեկցվում են ռոբոտաշինության, արդիական զենքերի զարգացման, արհեստական բանականության և այլ տեխնոլոգիական նորամուծություններով:

«Դրանք ծայրաստիճան կործանարար են և կարող են կարևոր նշանակություն ունենալ պատերազմների ընթացքում», - ասաց Միլին:

Նրա ելույթից օրեր առաջ ԱՄՆ պաշտպանության նախարար Լլոյդ Օսթինը նախազգուշացրել էր, որ Միացյալ Նահանգները պետք է նախապատրաստվեն հավանական հակամարտությանը, որը նման չեն այլևս «հին պատերազմներներին, որոնք տարիներ ի վեր վարել է Պենտագոնը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: