Ձեր վստահելի աղբյուրը

«Այսօր այն օրը չէ, որպեսզի մեկնաբանվի վարչապետի տված հանձնարարականները, բայց եթե տրվել են եթերով, ասեմ՝ ԱԱԾ գործառույթների մեջ երբևէ չի մտել սատանա փնտրելը, երբևէ չի մտել ՀԴՄ-ների ստուգումը»,- ասուլիսում ասաց «Ազգային անվտանգության ծառայության պահեստազորի սպաների միություն» հասարակական կազմակերպության խորհրդի նախագահ, ԱԱԾ  տնօրենի նախկին առաջին տեղակալ, գեներալ-լեյտենանտ Հրանտ Եպիսկոպոսյանը:

Նրա խոսքով, իր մոտ մի ժամանակ այնպիսի տպավորություն էր, որ ՊԵԿ գոյություն չունի, ԱԱԾ-ն ոնց որ լինի «палочка выручалочка»: Այդպես չի լինում»,- նշեց նա:

Ասուլիսին ներկա  ՀԿ համահիմնադիր, ԱԱԾ նախկին տնօրենի ժամանակավոր պաշտոնակատար, գնդապետ Միքայել Համբարձումյանն ասաց, որ չի պատրաստվում մասնավորեցնել իր, վարչապետի հետ ունեցած խոսակցությունները տարբեր առիթներով, քանի որ դա ծառայություն է, իր ղեկավարն է եղել, բնականաբար, դրել է խնդիրներ, որոնք եթե նույնիսկ չեն կատարել, բացատրել են, թե ինչու չեն կատարում:

«Պարոն Եպիսկոպոսյանն առարկայական օրինակներով ասաց: Այդ հանձարարականներ տալը պայմանավորված է նրանով, որ ուղղակի չեն պատկերացնում Ազգային անվտանգության ծառայության դերակատարությունը երկրում, թե ինչ խնդիրներ պետք է լուծի ԱԱԾ-ն:

Ցավով եմ ասում, հավատացեք, շատ գործընկերների հետ եմ խոսում, զարմացած են՝ ասում են վերածվել է քաղմասի, ամեն տեսակ գործով դուք զբաղվում եք: Նախկինում մարդիկ քիչ էին առնչվում ծառայության հետ, ծառայությունը հանգիստ իր աշխատանք էր կատարում, հիմա այդ ակտիվությունը բերել է այս վիճակին»,- ասաց Մ. Համբարձումյանը: