Մայիսի 24-ին կայանալիք դատաքննությամբ ենթադրելի է, որ այս գործի քննությունը կավարտվի. Խոսրով Հարությունյանի փաստաբան

Իրավունք 17:27 07/05/2021 Հայաստան

Մայիսի 24-ին կայանալիք դատաքննությամբ ենթադրելի է, որ այս գործի քննությունը կավարտվի. Խոսրով Հարությունյանի փաստաբան

«Արձանագրենք, որ այս գործով պատասխանող Արման Բաբաջանյանն ու ներկայացուցիչը չներկայացան դատական նիստին: Ներկայացրեցին նիստը հետաձգելու միջնորդություն, որը դատարանը բազմակողմանի, լրիվությամբ քննեց և որոշում կայացրեց գործի քննությունը նախապատրաստական նիստով շարունակել առանց պատասխանող կողմի»,- լրագրողների հետ ճեպազրույցում ասաց Խոսրով Հարությունյանի պաշտպան Կարինե Բաղդասարյանը:

Նա նշեց, որ այս փուլում մնացել էր կատարելու մեկ գործողություն՝ ապացույցների վերաբերելիության, թույլատրելիության հարցը քննարկել, որը և կատարվեց:

«Ըստ էության, կողմի իրավունքն է դատարան ներկայանալը և չներկայանալը: Պատասխանող կողմը կներկայանա դատաքննությանը, թե ոչ, դատաքննություն իրականացնելու համար խոչընդոտող հանգամանք չի կարող համարվել: Եթե որևէ այլ հիմնավոր միջնորդություն չներկայացվի դատաքննության նիստը հետաձգելու, ապա մայիսի 24-ին կայանալիք դատաքննությամբ ենթադրելի է, որ այս գործի քննությունը կավարտվի»,- ասաց Կարինե Բաղդասարյանը:

Խոսրով Հարությունյանը դատական հայտ է ներկայացրել Արման Բաբաջանյանի դեմ դեռ 2019 թվականի մայիսին, պահանջել է պարտավորեցնել հերքել պատիվը, արժանապատվությունը և գործարար համբավն արատավորող տեղեկությունները և փոխհատուցել պատվին, արժանապատվության ու գործարար համբավին պատճառված վնասը:

Գործով դատավորն է Արշակ Պետրոսյանը:

Հարակից հրապարակումներ`

Արման Բաբաջանյանի դեմ այսօր ներկայացվել է քաղաքացիական հայց․փաստաբան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: