Ձեր վստահելի աղբյուրը

«Պետք է ընտրել ոչ թե ում, այլ պետք է ընտրել ինչը՝ գաղափարը, ծրագիր»,- ԱԺ հատուկ նիստում հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը:      

Նա հույս հայտնեց, որ համախմբվելով գաղափարի շուրջ, վերցնելով պատասխանատվության բեռը, հնարավոր կլինի կառուցել վաղվա լուսավոր ապագան, իսկ միասնության հասնելու համար պետք է ընտրել հանունը, ոչ թե՝ ընդդեմը:

Պատգամավորը համոզմունք հայտնեց, որ խավարի դեմ պայքար չկա, միակ պայքարելու միջոցը՝ լույս վառելն է, որը վառելուց հետո կկորի կեղծիքը, իսկ լույսը դա տված քվեն է:

«Մենք այլևս փրկիչներ և տերեր փնտրելու իրավունք ու կարիք չունենք, այսօր եկել է ժամանակը և պահը, երբ մենք միասնաբար ընտրությամբ կարող ենք վերադարձնել ազատությունը արժանապատվությունը և երրջանիկ ու լուսավոր ապագայի հույսը»,- նկատեց պատգամավորը:

Պատգամավորը հայտարարեց, որ ոչինչ կանխորոշված չէ, ամեն ինչ քաղաքացիների ձեռքերում է և կոչ արեց լիարժեք տեր կանգնել ընտրելու իրավունքին և սեփական ճակատագրի որոշումը ձեռքերը վերցնելով, տեր լինենք հայրենիքի ապագային

«Այսօր իրապես օրհասական պահ է, մենք և մեր երկիրը կանգնած ենք մեծագույն ջրբաժանի առջև և մեր ընտրությունից ու պատասխանատու գործողություններից է կախված լինելու բոլորիս վաղվա օրը», -հայտարարեց «Լուսավոր Հայաստան» խմբակցության պատգամավորը և քաղաքացիներին հորդորեց ընտրության գնալ համոզմունքով ու խղճով և առաջ շարժվել սիրով ու երախտագիտությամբ, որը կհասցնի հաղթանակի: