Ձեր վստահելի աղբյուրը

Իսրայելի Արտաքին գործերի նախարարությունը երեքշաբթի օրը միջազգային հանրությանը կոչ է արել դատապարտել Գազայի հատվածում Համասի արմատական շարժան՝ Իսրայելի քաղաքների վրա հրթիռային հարձակումները, որոնք իրականացնում են նրա օպերատիվ աշխատակիցները ՝ թաքնվելով խաղաղ բնակչության թիկունքում, փոխանցում է «ՏԱՍՍ»-ը։

«Համասը հրթիռներ է արձակում Գազայի հատվածի քաղաքացիական բնակավայրերից ՝ դիտավորյալ թիրախավորելով իսրայելցի խաղաղ բնակիչներին: Իսրայելն իրեն պաշտպանում է Համասի իրականացրած ռազմական հանցագործությունից: Միջազգային հանրությունը պետք է դատապարտի Համասին իր գործողությունների համար»,- ասվում է հրեական պետության ԱԳՆ մամուլի ծառայության հայտարարության մեջ:

Իսրայելի քաղաքների դեմ հրթիռային զանգվածային հարձակումները, որոնք սկսվել են երկուշաբթի օրը ժամը 18:00-ին, շարունակվում են նաև այսօր: Իսրայելի Պաշտպանության բանակի մամուլի ծառայությունը հայտնում է, որ Իսրայելի հարավում գտնվող Աշկելոն և Սդերոտ քաղաքներում, ինչպես նաև Պաղեստինի անկլավին սահմանակից շրջաններում գտնվող բնակավայրերում օդային հարձակման ազդանշաններ են հնչում:

Ավելի վաղ հայտնի էր դարձել, որ երկուշաբթի երեկոյան Գազայից 150 արկ է արձակվել Իսրայելի ուղղությամբ, իսկ գիշերը Գազայից ավելի քան 200 հրթիռ է արձակվել։ Ի պատասխան, իսրայելական զինուժը խոցել է արմատական կազմակերպությունների շուրջ 150 ռազմական թիրախ։