Ձեր վստահելի աղբյուրը

«Սևանի մակարդակը բարձրանում է 1995 թվականի նոյեմբերի 5-ից, ինչ գործարկվել է ատոմակայանը»,-այսօր հրավիրված մամուլի ասուլիսում ասաց ՀՀ նախկին վարչապետ Հրանտ Բագրատյանը՝ անդրադառնալով Փաշինյանի «աննախադեպ ձեռքբերումներին»։

Նրա խոսքով, բացի այդ, Սևանի մակարդակի բարձրացման վրա դրական ազդեցություն ունեն նաև կլիմայական պայմանները, քանի որ վերջին տարիներին տեղումները շատացել են։

«Ընդ որում, դրա դեմ պետք է պայքարել, պետք է կտրել ափին տնկված ծառերը, որոնք ճահիճ են առաջացնում։ Բացի այդ, կան ափամերձ հյուրանոցներ, որոնց առաջին հարկերը ջրի տակ են անցել արդեն։ Սրա դեմը պետք է առնել։ Բացի այդ, պետք է աշխատացնել Որոտան-Արփա թունելը, որ այդ ջուրն էլ ավելանա, լցվի Սևան։ Հիմա այդ ջուրը թողնում են Տաթևի ՀԷԿ, որը Ավինյանի կողմից է կառավարվում՝ ամերիկացիների համար, իսկ եթե այդ ջուրը գա Սևան, կաշխատի Սևան-Հրազդան կասկադը, որը երկու անգամ ավելի շատ հոսանք է տալիս։ Իսկ այդ ջուրը գնում է Տաթևի ՀԷԿ, այնտեղից էլ՝ Կովսական (Զանգելան)։ Մի դավաճան էլ Գեղարքունիքի մարզպետն է, դավաճանների հավաքածու է»,- նշեց նա։

Ինչ վերաբերում է Փաշինյանի հայտարարությանը, թե իր իշխանության օրոք աշխատատեղեր են ավելացել, ապա Հրանտ Բագրատյանն ասաց, որ 2019 թվականին Հայաստանում եղել է 1 միլիոն 9  հազար աշխատող, իսկ 2020 թվականին՝ 991 հազար զբաղված։ Այսինքն՝ 18 հազարով պակաս։

«Կամ ասում է՝ Սերժ Սարգսյանը մի հատ էր ԱԹՍ առել, ես՝ 7 հատ։ Ամենայն պատասխանատվությամբ հայտնում եմ՝ ինքը ոչ մի հատ ԱԹՍ չի առել։ Դրանք նվիրել են հայրենիքի երախտավորները։ Ինքը զակազ չի իջեցրել։ Բացի այդ, որ ասում է՝ նախկիններն են մեղավոր, Սերժ Սարգսյանը ԱԹՍ-ներ չի առել, տո տունդ քանդվի, ԱԹՍ-ները 5-6 տարվա պատմություն ունեն, առաջին բայրաքթարն արտադրվել է 2018-ի հոկտեմբերին»,- ասաց նա։

Հրանտ Բագրատյանը նկատեց՝ Փաշինյանն իր ընտրողներին «դեբիլի» տեղ է դրել, քանի որ նրա ասած ստերը շատ ցածր մակարդակի են։

«Ախր ինչ ասում է, սուտ է, պատահաբար անգամ մի բան ճիշտ չի ասում»,- նշեց նա։

Անդրադառնալով կոռուպցիայի ինսիտուտը հիմնահատակ քանդելու մասին Փաշինյանի հայտարարություններին՝ ՀՀ նախկին վարչապետն ասաց՝ ինքը կերազեր կրկին ապրել նախկինների կոռուպցիոն համակարգում, քանի որ ներկայիս իշխանությունը «ափաշքյարա գողանում է»։

«Զանգում ու ասում է՝ ինձ մի չամադան փող բեր։ Ու սաղ ստիպված տալիս են»,- նկատեց նա։