Ձեր վստահելի աղբյուրը

Մի խումբ ֆրանսիացի զինվորականներ հրապարակել էին նախագահ Էմանուել Մակրոնին ուղղված բաց նամակ, որում ասված է, որ իսլամիզմին նրա «զիջումներից» հետո Ֆրանսիայի գոյությունը վտանգված է: Այս մասին գրում է Ամերիկայի Ձայնը։

Դրան նախոորդել էր մի քանի շաբաթ առաջ թոշակի անցած գեներալների նմանատիպ հաղորդումը, որը ցնցել էր քաղաքական էլիտան:

Նամակը, որը հրապարակվել է աջ Valeurs Actuelles հանդեսի կայքում, զգուշացնում է վերահաս քաղաքացիական հնարավոր բախումների մասին:

Ներքին գործերի նախարար Ժերալդ Դարմանենը՝ Մակրոնի մտերիմ դաշնակիցը, երկրորդ նամակը անվանեց «կոպիտ մանևր»՝ դրա անանուն հեղինակներին մեղադրելով «համարձակության» պակասի մեջ:

Անհայտ է, թե քանի մարդ է կանգնած այս նամակի հետևում, և ովքեր են նրանք:

Ի տարբերություն նախորդ նամակի, այն կարող է ստորագրած լինեն հասարակ քաղաքացիներ, իսկ ամսագիրը ասում է, որ այն ստորագրել է ավելի քան 145,000 մարդ մեկ օրվա ընթացքում:

«Մենք խոսում ենք մեր երկրի գոյատևման մասին», - ասվում է նամակում, որն ուղղված է Մակրոնին և նրա կաբինետին:

Հեղինակները ներկայացնում են իրենց որպես երիտասարդ սերնդի, այսպես կոչված «կրակի սերնդի» ակտիվ անդամներ, ովքեր ականատես են եղել մարտերին:

«Նրանք իրենց կյանքը նվիրել են իսլամիզմը ոչնչացնելուն, որին դուք զիջումներ արեցիք մեր երկրի տարածքում», - գրում են նրանք:

Նամակի հեղինակների կարծիքով, որոշ կրոնական համայնքների համար «Ֆրանսիան միայն սարկազմի, արհամարհանքի կամ նույնիսկ ատելության առարկա է»:

«Ֆրանսիայում քաղաքացիական պատերազմ է սկսվում, և դուք դա շատ լավ գիտեք», - նշում են նրանք: