Ձեր վստահելի աղբյուրը

«Ճիշտն ասած՝ ես չհասկացա, թե ինչու ենք հավքվել այստեղ։ Տեքստից չհասկացա։ Հասկացա, որ կարանք դիմենք միջազգային հանրությանը, որ նման ոտնձգություն է լինում ՀՀ-ում»,- այս մասին ՀՀ ԱԺ յոթերորդ գումարման վեցերորդ նստաշրջանի արտահերթ նիստի ընթացքում, որտեղ քննարկվում է հայ-ադրբեջանական սահմանին ստեղծված լարված իրավիճակը,  ասաց  «Իմ քայլը» խմբակցության պատգամավոր Սասուն  Միքայելյանը։

Նա  պատասխանեց գործընկերներին, որոնք, ըստ նրա, «կուրծք են ծեծում»,թե դիմենք ԱՄՆ,Ռուսաստան, Եվրոպա. «Պատերազմի ժամանակ  երեք անգամ հրադադար հայտարարվեց և այդ պետությունները թե Եվրոպան, թե ԱՄՆ, թե արևմուտքը , թե Ռուսաստանը, չկանգնեցրին այդ պատերազմը։ Եթե նրանից որևէ մեկը կանգնեցներ պատերազմը, ապա պատերազմը կկանգներ։ Սա մեծ հարց է, որը եկել է երկար ժամանակ։Այստեղ կեսը եվրոպամետ է, կեսը ռուսամետ, ես հայամետ եմ, զինվոր եմ, սովորական գյուղացի տղա եմ, չգովամ ինձ ՝ գիտեք։ Ես չգիտեմ ով է ճիշտ, ով սխալ, ռուսի ասած՝ « պոսլե ռազբիրյոմ», հիմա եկեք այս արհավիրքի դեմն առնենք»։