Ձեր վստահելի աղբյուրը

«Այն փաստաթղթերը, որոնք ստորագրվել են և որոնք պատրասվում են ստորագրման, լեգիտիմ չեն, դրանք մեր իրավական դաշտում գոյություն չունեցող փաստաթղթերի տեսակներ են»,- լրագրողների հետ ճեպազրույցում ասաց «Հայաստան» դաշինքի շտաբի պետ Արմեն Գևորգյանը:

Նա ընդգծեց, որ չեն կարող պետական սահմանները որոշել ինչ-որ հայտարարություններով, պետք է լինեն միջպետական պայմանագրեր:

«Կարծում եմ՝ քաղաքական ուժերը, իշխանությունները, պետք է դա հասկանան»,- ասաց Ա. Գևորգյանը:

Նրա խոսքով, եթե այդ փաստաթղթում ինչ-որ նախապայմաններ կան,  պետք է հասկանալ, թե ինչի մասին է, ով ում, ինչ պայման  է դրել. «Տեսել ենք փաստաթղթի մի հատվածը, որն արդեն անհանգստացնող է: Պատկերացնում եք՝ նախընտրական փուլում գտնվող իշխանությունը պետության, պետականության համար վճռորոշ փաստաթուղթ է քննարկում մեր թշնամու հետ, մենք չգիտենք՝ այդ ինչ փաստաթուղթ է ընդհանրապես: Զավեշտ է»:

«Եկեք մի բան ֆիքսենք՝ Նիկոլ Փաշինյան և պետական շահերն անհամատեղելի հասկացողություններ են»,- ասաց Արմեն Գևորգյանը: