Ձեր վստահելի աղբյուրը

Ռուսաստանի խաղաղապահ զորախմբի զինծառայողները շարունակում են իրականացնել իրենց պատասխանատվության գոտում գտնվող կողմերի սահմանազատման գծում հրադադարի ռեժիմի պահպանման վերահսկումը, ինչպես նաև Բերձորի միջանցքով տրանսպորտային միջոցների տեղաշարժի, սննդամթերքի և տարբեր ապրանքների տեղափոխման անվտանգությունը: Հայտնում է ՌԴ ՊՆ-ն:

Տարածված հաղորդագրության մեջ ասվում է, որ վերջին շաբաթվա ընթացքում խաղաղապահ զորակազմի պատասխանատվության գոտում հրադադարի ռեժիմի խախտումներ և ռուս զինծառայողների դեմ սադրիչ գործողություններ չեն արձանագրվել:

Ռուսաստանի խաղաղապահ զորախմբի բոլոր դիտակետերը հագեցած են «Ստուգակետ» ամրություններով, որոնք նախատեսված են զինծառայողներին փոքր զենքերից և բեկորներից պաշտպանելու, ինչպես նաև հարակից տարածքի բազմակողմանի դիտարկման համար:

«Տեղաշարժը բավականին լուրջ և ակտիվ է: Տրանզիտային տրանսպորտ է անցնում: Մեր խնդիրն է ապահովել անխոչընդոտ և հանգիստ տեղաշարժն այն հատվածով, որի համար մենք ենք պատասխանատու»,-հայտնել է խաղաղապահ զորախմբի զինծառայող Միխայիլ Բարսկովը, որը ծառայում է դիտակետերից մեկում: «Մենք հետաքրքրվում ենք՝ արդյո՞ք նրանց մոտ ամեն ինչ կարգին է, ինչպե՞ս են տեղաշարժվումը միջանցքի մեր հատվածով: Մեզ հետաքրքրում է, թե ինչ բեռ են տեղափոխում, ստուգում ենք փաստաթղթերը»,-հավելեց նա:

«Պատասխանատվության գոտում իրավիճակի մոնիտորինգից բացի, Ռուսաստանի խաղաղապահ զորակազմի դիտակետերի անձնակազմը պարբերաբար իրականացնում է մարտական պատրաստության գործողություններ և խախտումները ինչպես նաև դիտակետի վրա հնարավոր հարձակումը կանխելու վարժանքներ են անցկացնում»,- ասվում է հաղորդագրության մեջ: