Ձեր վստահելի աղբյուրը

«2018 թվականից արձանագրված միտումնավոր ձախողումներ, արտաքին վնասակար քաղաքականությունը, բերել են նրան, որ Արցախի Հանրապետության խնդրից բացի, այսօր բախվել ենք նաև Հայաստանի տարածքային և բնակչության անվտանգության խնդիրներին»,- «Պատիվ ունեմ» դաշինքի կազմակերպած «ՀՀ և Արցախի անվտանգության միջավայրը հետպատերազմական ժամանակաշրջանում» թեմայով քննարկման ժամանակ հայտնեց ՊՆ նախկին փոխնախարար Արտակ Զաքարյանը։

Նրա խոսքով՝ Հայաստանի անվտանգային դաշտն ունի մեծ անելիքներ, պետք է մեծ ուշադրություն դարձնել սահմանում առկա հակաահաբեկչական գործողություններին:

«Նոյեմբերի 9-ի հայտարարության տեքստում նշված ժամանակահատվածում ռուսական խաղաղապահ առաքելությունը դեռևս 5 տարի ապահովվելու է Արցախի բնակիչների անվտանգությունը, այդ հատվածը նաև այն ժամանակահատվածն է, երբ Հայաստանը և Արցախը պետք է կարողանան լիարժեք դուրս գալ ճգնաժամային իրավիճակից և անհրաժեշտ են լինելու կարճաժամկետ և երկարաժամկետ անվտանգային գործողություններ»,- հայտնեց Արտակ Զաքարյանը:

ՊՆ նախկին փոխնախարարը կարևորեց նաև ՀՀ Ազգային ավտնագության ռազմավարության տեքստի փոփոխությունը, որտեղ անվտանգության և արտաքին քաղաքականության մասում, ռազմաքաղաքական և ռազմատեխնիկական առումներով արմատական վերանայումների անհրաժեշտություն կա։

Զաքարյանը կարևորեց նաև ՀՀ զինված ուժերի վերակազմավորման, ծառայության այլընտրանքային տեսակների ներգրավման, պետության պաշտպանունակության խնդիրներին թիրախավորված մոտեցումներ ցուցաբերելու հարցը։