Ձեր վստահելի աղբյուրը

Ryanair-ի հետ կապված միջադեպը պետք է դիտարկել տրամադրված անվտանգության տեսանկյունից, РИА Новости-ին հայտնել են Բելառուսի ԱԳՆ-ից:

«Մինսկի գործողությունները լիովին համապատասխանում էին սահմանված միջազգային կանոններին»,- հավելել է նախարարությունը:

Բելառուսի ԱԳՆ-ի կարծիքով, Արևմուտքում քաղաքականացնում են իրավիճակը և հապճեպ եզրակացություններ են անում։ 

Հիշեցնենք, որ մայիսի 23-ին Աթենքից Վիլնյուս ուղևորվող Ryanair ինքնաթիռն արտակարգ վայրէջք էր կատարել Մինսկում՝ ռումբի մասին կեղծ հաղորդագրություններից հետո։ Վայրէջքից հետո ինքնաթիռում գտնվող Ռոման Պրոտասևիչը ձերբակալվել է Բելառուսի իշխանությոնների կողմից։

Հաղորդվում է, թե նրան կարող է սպառնալ մահապատիժ։ Ռոման Պրոտասևիչը Nexta նախագծի հեղինակներից է, որը լուսաբանել է Բելառուսի նախագահական ընտրությունների դեմ բողոքի ցույցերը 2020 թ. օգոստոսին։

Այն երկրում ճանաչվել է որպես օտարերկրյա ծայրահեղական կազմակերպություն և արգելված է, իսկ դրա հեղինակներ Ստեփան Պուտիլոն և Ռոման Պրոտասևիչը ընդգրկված են ահաբեկչական գործողություններում ներգրավված անձանց ցուցակում: Նրանք մեղադրվում են զանգվածային անկարգություններ կազմակերպելու, ինչպես նաև երկրի իշխանությունների և անվտանգության ուժերի ներկայացուցիչների դեմ «սոցիալական թշնամանք հրահրելու» գործողությունների մեջ:

ԵՄ պաշտոնյաները կոչ են անում խստագույնս արձագանքել տեղի ունեցածին՝ այն անվանելով «պետական ահաբեկչություն», թույլ չտալ բելառուսական ավիաընկերություններին վայրէջք կատարել ԵՄ անդամ երկրների օդանավակայաններում: