Ձեր վստահելի աղբյուրը

«Նախագծով առաջարկվում է, որ սահմանամերձ համայնքների բոլոր ցանքատարծքների օգտագործման պարագայում, պետությունը երաշխավորի արտադրանքի 100 %-ով իրացումը»,-«Սահմանամերձ համայնքներում սոցիալական աջակցությա մասին» և «Գնումների մասին օրենքի նախագծերում լրացմում կատարելու մասին» օրենքների  նախագծերը ներկայացնելիս այսօր խորհրդարանում հայտնեց դրանք հեղինակ, «Իմ քայլը» խմբակցությունը լքած պատգամավոր Թագուհի Թովմասյանին: Գլխադասային հանձնաժողովը չէր համաձայնել օրենքի նախագիծն ընդգրկել օրակարգ:

Նրա խոսքով՝ իշխանությունները ինչքան շատ են խոսում գյուղատնտեսությանն արտոնություն տալու մասին, այնքան գյուղատնտեսությամբ զբաղվողների թիվը պակասում է և ցանքատարածքները մնում են չզբաղեցված:

«Պատերազմից հետո սահմանամերձ համայնքների թիվը մեծացել է և խնդիր կա խրախուսել գյուղատնտեսության բոլոր ճյուղերը, պետք է այնպես անել, որ մարդիկ կարողանան իրենց աճեցրածը վաճառել»,- հայտնեց Թագուհի Թովմասյանը և պնդեց, որ դրա համար պետք է սահմանամերձ համայնքների բնակիչների համար հակամրցակցային դաշտ սահմանել և այդ նպատակ էլ լուծում է իր հեղինակած օրինագիծը:

Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ  Վահե Ղալումյանը հայտնեց, որ նախագիծը մանրակրկիտ քննարկվել է, բայց պատգամավրների բազմաթիվ հարցերին Թագուհի Թովմասյանը չի կարողացել  սպառիչ պատասխան տալ:

Ըստ Ղալումյանի՝ հանձնաժողովականները գտնում են, որ գործադիրի համակարգում չկա այն կառույցը, որը կկարողանա այդ հարցով զբաղվել, բայց կառավարությունն գյուղատնտեսության ոլորտում արդյունավետությամբ իրականացնում է 14 աջակցության ծրագիր:

«Հանձնաժողովը բացասական եզրակացություն է տվել օրենքի նախագծին, ձեզ նույնպես կոչ եմ անում նման ձևով վարվել»,-հայտարարեց իմքայլական պատգամավորը:

«Իմ քայլը» խմբակցությունը լքած մեկ այլ պատգամավոր՝ Սոֆիա Հովսեփյանը չհամաձայնեց Ղալումյանի պնդման հետ, թե Թագուհի Թովսմասյանը չի հիմնավորրել նախագիծը:

Նա քաղաքացիներին հորդորեց դիտել հանձնաժողովի նիստի տեսաձայնագրությունը և համոզվել, որ իմքայլական պատգամավորները կանխակալ մոտեցում են ցուցաբերել նախագծի վերաբերյալ:

Հովսեփյան պնդեց, որ գյուղատնտեսության ոլորտում իրականաված ծրագրերն անրադյունավետ են  և փաստեց, որ 7 գյուղացի է օգտվել ջերմոցներ հիմնելու անտոկոս վարկերից, իսկ սուբսիդավորվող վարկերից օգտվողներ չեն եղել:

Թագուհի Թովմասյանն էլ հայտնեց, որ երբ խոսքը գնում է գյուղատնտեսությանն աջակցելու կոնկրետ նախաձեռնությանը, իշխող ուժը մերժում է այն, մինչդեռ վերացական խոստումների հարցում շռայլ է:

«ՀՀ վիճակագրական կոմիտեի տվյալներով 2016 թվականին ՀՀ-ում եղել են 353 հազար 400 հեկտար  մշակվող հողատարածք, իսկ 2020 թվականին՝ 222 հազար 700 հեկտար, եթե ամեն ինչ այդքան լավ է, ինչո՞ւ են ցանքատարածությունները շարունակում մնալ չզբաղեցված»,- նկատեց Թովմասյանը:

Խարհրդարանը քվեարկությամբ մերժեց նախագիծը: