Ձեր վստահելի աղբյուրը

Ավստրալիայի ամենամեծ նահանգի՝ Նոր Հարավային Ուելսի  վարչապետ Գլեդիս Բերեջիկլյանին անվանել են «Կինը, որը փրկեց Ավստրալիան» ու նա հայտնվել է «The Australian Financial Review» ամսագրի շապիկին։

Բերեջիկլյանն այս խոսքերին արժանացել է համաճարակի առողջապահական և տնտեսական մարտահրավերները լուծելու համար և դարձել այն առաջնորդը, որի կարիքն ուներ Ավստրալիային այս դժվար ժամանակներում:

«Մարդիկ երբեմն ասում էին, որ ես չափազանց շատ եմ վերահսկում: Բայց ես վստահ եմ, եթե ուզում եք ինչ-որ բան ստացվի և դուք առաջնորդ եք, ապա ձեզ վրա պատասխանատվություն պետք է ստանձնեք»,-ասել է Գլեդիս Բերեջիկլյանը։

Գլեդիս Բերեջիկլյանը ծնվել է Սիդնեյում 1970 թվականի սեպտեմբերի 22-ին: Նա ներգաղթյալներ Գրիքորի և Արշիի երեք դուստրերից ավագն է: Նրա նախնիները զոհ են դարձել 1915 թ. Ցեղասպանությանը: Հարցազրույցներից մեկում նա խոստովանել է, որ իր մանկության տարիներին հաճախ է լսել ուրիշներից, որ իր հայկական ազգանունը կարող է վնասել իրեն կյանքում, ինչը վիրավորել է իրեն: Նա միշտ հպարտանում էր իր ծնողներով՝ մայր, որը բուժքույր էր և հայր, ով աշխատում էր շինարարության մեջ, ներառյալ Սիդնեյի օպերային թատրոնի շենքի կառուցման մեջ:

Գլեդիսն ավարտել է Սիդնեյի միջազգային հարաբերությունների ինստիտուտը, իսկ հետո Նոր Հարավային Ուելսի համալսարանը: Նա տիրապետում է հայերենին և սերտ կապեր ունի Ավստրալիայի հայ համայնքի հետ: Գլեդիսը Ավստրալիայի ամենամեծ նահանգի՝ Նոր Հարավային Ուելսի առաջին կին վարչապետն է: