Ձեր վստահելի աղբյուրը

«Այն  հակառուսական պրոպագանդայի տարափը, որ այսօր շատ ուժեղ լցվում է հայկական տիրույթ, ստիպում է հիշեցնել մի երկու տարրական բան, որոնց մասին հակառուսական թեզեր գեներացնողները մոռանում են»,- խոորհրդարնում հայտնեց «Բարգավաճ Հայաստան» խմբակցության պատգամավոր Արման Աբովյանը:

Նա չհամաձայնեց տարածվող այն կարծիքի հետ, թե ՌԴ-ն չի պաշտպանել և կոնկրետ քայլեր չի արել, իսկ արածներն էլ մեղմ էին կամ չէին համապատասխանում նրա ստանձնած պարտավորություններին:

«Ռուսաստանը լինելով ՀՀ ռազմավարական գործընկեր, առաջին հերթին շարժվում է ՀՀ իշխանության որոշումների ներքո, եթե իշխանությունը որոշում է, որ ներխուժած թուրքի դեմ կռվել պետք չէ, ինչ-որ մեկը հույսե՞ր ունի, որ ռուսը պետք է ասի՝ չէ, մեկ է, պետք է գնանք, կռվե՞նք»,- հայտարարեց Աբովյանը։

Նրա խոսքով՝ ՀՀ իշխանությունը որոշել է այլ ճանապարհով գնալ, ՌԴ-ն էլ ասում է, որ Հայաստանի գործընկերը լինելով, սատարում է նրա  ընտրած ուղուն:

«Բարգավաճ Հայաստան» խմբակցության պատգամավորը  պնդեց, որ չպետք է գեներացնել տրամադրություններ, որոնք վտանգում են ռազմավարական գործընկերոջ հետ հարաբերությունները։