Ձեր վստահելի աղբյուրը

«Մենք ներկայացնելու ենք ցուցակ, որը բերելու է ռեֆորմներ, իրականացնելու է  սուպերծրագիր՝ կրթականից, սոցիալականից, առողջապահականից և գյուղատնտեսականից սկսած մինչև երկրում անվտանգության կատարյալ, հարատև ապահովում  և հեռանկարային զարգացում»,- ԱԺ հայտարարությունների ժամին հայտնեց պատգամավոր  Տիգրան Ուրիխանյանը՝ ներկայացնելով  ընտրություններին «Ալյանս»  կուսակցության մասնակցության ձևաչափը:

Ըստ պատգամավորի՝ «Ալյանս»-ը հայտարարել էր, որ միայնակ է գնալու ընտրությունների և ձևավորել էր թիմ՝ կենտրոնանալով ռեսուրսների, սեփական ցուցակների ու թիմի վրա:

«Մենք առանձին ցուցակներով մասնակցելու էինք ընտրություններին, բայց կարճ ժամանակ առաջ տեղի ունեցավ սարսափելին՝ մեր երկրի, հայրենիքի, տան պատերը ճաք տվեցին, մեր Հայաստանի դռան կողպեքը կտրեցին և օտարները հայտնվեցին մեր տան պետական սահմանից այս կողմ»,- հայտնեց Ուրիխանյանը և հավելեց, որ այդ պատճառով պետք է բոլոր ջանքերը նրդնել, որ օր առաջ կեղտոտ ավանտյուրաների մեջ չեղած, որևէ խարդախության հետ չառնչվող մարդկ և ուժերը միավորվեն:

Նա հայտնեց, որ իր կուսակցությունն առաջինն են հայտարարել, որ պատրաստ են վայր դնել ամբիացիաները և ձեռք պարզել լայն դաշինքի ձևավորման ուղղությամբ:

«Դաշնակցային հարաբերություններ ձևավորեցինք, «Մեր տունը Հայաստանն է» կուսակցության հետ մենք ունենք միասնական ձևաչափ»,- հայտնեց «Ալյանս» կուսակցության առաջնորդը և հավելեց, որ վաղը ԿԸՀ կներկայացնեն միասնական ցուցակներ: 

Տիգրան Ուրիխանյանը դրանով հաստատեց, որ համագործակցության ձևաչափ է ձեռք բերել ՅՈՒՆԵՍԿՕ-ի բարի կամքի դեսպան՝ «Ռուսաստանում հայերի միության նախագահ» Արար Աբրահամյանի հետ:

«Մենք վաղը ներկայացնելու ենք ցուցակ, որտեղ ընդգրկված են մարդիկ որոնք ոչ սև են, ոչ սպիտակ, արատավարված չեն եղել, մտավորկականներ են, օգտակար գործողության գործակից ունեցող մարդիկ և հայրենասերներ են»,- հայտարարեց պատգամավորը: