Ձեր վստահելի աղբյուրը

«Նախագծով իրական պայմաններ են ստեղծվում իրավաբանական անձ համարվող իրական շահառուների բացահայտման համար»,- այսօր խորհրդարանում հայտնեց արդարադատության նախարար Ռուստամ Բադասյանը՝ զեկուցելով  «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների եւ անհատ ձեռնարկատերերի պետական հաշվառման մասին» օրենքում լրացումներ կատարելու մասին նախագիծը:

Նրա խոսքով՝ առկա կարգավորումենրում օգտագործվում է երկու եզրույթ՝ իրական սեփականատիրոջ և իրական շահառուի և նախագծով միասնական ինստիտուտ է նեդրվում՝ տերմինաբանական փոփոխությամբ ապահովելով դրանց միասնական ընկալումը:

Արդարադատության նախարարը նշեց, որ գործող իրավանորմատիվ բազայով իրական սեփականատիրողջ բացահայտումը նախատեսվում է իրավաբանական այն անձանց համար, որոնց թողարկած արժեթղթերը ցուցակված են ՀՀ ֆոնդային բորսայում, ինչը չի բխում միջազգային չափանիշներից:

«Նախագծում նշվում է, որ իրավաբանական անձը մասնակի ազատվում է իրական շահառուների վերաբերյալ հայտարարագրի լրացումից, եթե վերջինս և նրան վերահսկող իրավաբանական անձի բաժնետոմսերն ցուցակված են իրական շահառուներին բացահատելու չափանիշներին համարժեք ֆոնդային բորսայում»,- հայտնեց Ռուստամ Բադասյանը

Ըստ նրա՝ գործող օրենսդրությունը չի նախատեսում նաև պետռեգիստր ներկայցված տվյալների ստուգման արդյունավետ մեխանիզմներ, որոնք կարևոր են դրանց արժանահավատության հաստատման համար և նախագծով նախատեսվում է տվյալների նախնական և ընթացիկ ստուգում՝ անճշտությունների վերաբերյալ այլ մարմիններին ծանուցելու միջոցով:

Արդարադատության նախարարը հայտնեց, որ օրինագծով իրավաբանական անձին պարտավորեցվում է տարին մե անգամ իրականացնելու պատշաճ ուսումնասիրություն իր իրական շահառուներին բացահայտելու նապատակով՝ փաստաթղթավորելով գործընթացը:

Նա հավելեց, որ օրինագիծը վարչական և քրեական պատասխանատվություն է նախատեսում իրական շահառուների բացահայտման օրենսդրությունը խախտելու համար, այն դեպքում երբ նախկինում միայն նախատեսված էր լիցենզիայից զրկելու դրույթը: