Ջո Բայդեն․ ԱՄՆ-ը հավատարիմ է Վրաստանի տարածքային ամբողջականությանը
Ամերիկայի Միացյալ Նահանգների նախագահ Ջոզեֆ Բայդենը Վրաստանի վարչապետ Իրակլի Ղարիբաշվիլիին շնորհավորել է Վրաստանի Անկախության օրվա առթիվ:
Ժոզեֆ Բայդենի շնորհավորանքում ասվում է, որ որպես հավատարիմ գործընկեր, Ամերիկայի Միացյալ Նահանգները կշարունակեն աջակցել վրաց ժողովրդին ժողովրդավարական և տնտեսական զարգացման ճանապարհին: Այս մասին գրում է վրացական Առաջին ալիքը։
«Պարոն վարչապետ: Ամերիկացի ժողովրդի անունից ցանկանում եմ շնորհավորել վրաց ժողովրդին Անկախության օրվա առթիվ և մայիսի 26-ին մաղթել երջանկություն և առողջություն:
Որպես հավատարիմ գործընկեր, Միացյալ Նահանգները կշարունակեն աջակցել վրաց ժողովրդին ավելի մեծ ժողովրդավարական և տնտեսական զարգացման ճանապարհին, որը ենթադրում է անկախ դատական համակարգի ամրապնդում և ներառական ժողովրդավարական գործընթացները: Մենք կանգնելու ենք վրաց ժողովրդի կողքին` նոր կորոնավիրուսի պատճառած սոցիալական և տնտեսական ազդեցությունից խուսափելու ջանքերում:
Վրաց ազգի անկախությունը նշելը պարզապես միայն հանդիսավոր օր չէ: Այն հնարավորություն է տալիս հարգել ազգի բնավորության մեջ հյուսված պատմությունն ու արժեքները: Այս ամսաթիվը նաև հնարավորություն է տալիս տեսնելու ապագան: Երբ մտածում եք Վրաստանի ղեկավարների և քաղաքացիների մասին, որոնք ուղղված են երկրի անկախության և եվրաատլանտյան նկրտումների ամրապնդման ճանապարհին, հիշեք, որ Միացյալ Նահանգները կանգնած է ձեր կողքին: Մենք երախտապարտ ենք վրացի քաջարի զինվորների համար՝ Աֆղանստանում ՆԱՏՕ-ի ծրագրերում մեր մարտիկների կողքին ծառայելու համար և մենք կշարունակենք աջակցել Վրաստանին Դաշինքին անդամակցելու ընթացքում:
Մենք գիտակցում ենք նաև Վրաստանի համար արտաքին մարտահրավերների կարևորությունը: Երկիրը շարունակում է գործ ունենալ նրանց հետ: Այսօր իմ մտքերը բոլոր այն մարդկանց հետ են, ովքեր ապրում են Աբխազիայում և Հարավային Օսիայում՝ ռուսական օկուպացիայի պայմաններում: Միացյալ Նահանգները վճռականորեն հավատարիմ է Վրաստանի տարածքային ամբողջականությանը և ինքնիշխանությանը միջազգային ճանաչում ունեցող իր սահմաններում: Անկախության տոնի առթիվ անձամբ ինձնից ստացեք լավագույն մաղթանքները ձեր և վրաց ժողովրդի համար», – ասված է Ժոզեֆ Բայդենի շնորհավորական նամակում:
Լրահոս
Տեսանյութեր
Թովմասյանը՝ Նանուշյանին. Նշել եք՝ ծրագրի իրականացումը պայմանավորված է օրենքով, բայց օրենքը չկա
