Ձեր վստահելի աղբյուրը

«Ինքնիշխան Հայաստան» կուսակցության ընտրական ցուցակը  գլխավորում է Դավիթ Սանասարյանը։ Այս մասին նա լրագրողներին տեղեկացրեց հունիսի 20-ին կայանալիք արտահերթ խորհրդարանական ընտրություններին  մասնակցելու համար ԿԸՀ անհրաժեշտ փաստաթղթերը ներկայացնելու ընթացքում։

«Կուսակցությունը գլխավորում եմ ես, որից հետո՝

1Սուրեն Պողոսյանը,
2Նարինե Մարտիրոսյանը,
3Հովսեփ Ղազարյանը,
4Ավետիս Ավետիսյանը,
5Համասփյուռ Ավագյանը,
6Սերգեյ Դալաքյանը,
7Արման Պետրոսյանը
8Արթուր Հայրապետյանը և  այլք»,- տեղեկացրեց Սանասարյանն ու հավելեց․

«Մենք բացառում ենք կոալիցիան նախկին և ներկա իշխանությունների հետ։ Մնացածի հետ կարելի է քննարկել։ Կարծում եմ ժողովուրդը կմերժի և 3 նախագահներին, և ներկա վարչապետին»։

Նրա խոսքով՝ քաղաքացուն այլընտրանքի հնարավորություն են ընձեռնել՝ ընտրություն կատարելու։
«Հատապես հեղափոխությանը մասնակցած քաղաքացիները պետք է իմանան, որ էն պատգամը, որը տվել են հեղափոխական հարթակին, այդ պատգամը շարունակողներ կան»,-ասաց նա։