Ձեր վստահելի աղբյուրը

«Առավոտյան լուր տարածվեց, որ ՀՀ սահմանից գերեվարվել են հայ զինվորներ, այն գերեվարում չէ՝ առևանգում է և այն տեղի է ունենում այն պարագայում,  երբ այսօր մեր միջազգային գործընկերները, բոլոր գործընկերները պատշաճ գնահատական չեն հասցնում և իրերն իրենց անունով չեն կոչում»,- ԱԺ նիստի մեկնարկին այսօր հայտարարեց «Իմ քայլը» խմբակցության ղեկավար Լիլիթ Մակունցը:

Նա կոչ արեց  բոլոր գործընկերներին հստակ դիրքորոշում հայտնել Ադրբեջանի անթույլատրելի գործողությունների վերաբերյալ և շեշտեց, որ հանրության մոտ կա ակնկակլիք, որ ՀԱՊԿ-ը շատ օպերատիվ կերպով արձագանքի տեղի ունեցող իրադարձություններին և այդ արձագանքի հապաղումն է, որ հանգեցնում է նման զարգացումների և էսկալացիայի:

Պատգամավորը հայտարարեց, որ  հետագա լարումներից խուսափելու համար այն անվտանգային համակարգը, որին մաս է կազմում ՀՀ-ն  և գործընկերները՝ ում անհանգստացնում է Հարավային Կովկասում ՀՀ ինքնիշխան պետության նկատմամբ  տեղի ունեցողը, պետք է հստակ գնահատական տան:

Խորհրդարանն այսօր երկրորդ  փորձից հետո միայն կարողացավ ապահովել նիստը սկսելու համար անհրաժեշտ քվորումը և անմիջապես ձեռնամուխ եղավ ԿԲ տարեկան հաշվետվության քննարկմանը: