Ձեր վստահելի աղբյուրը

Գերմանիան առաջին անգամ ճանաչեց, որ իր գաղութային օկուպացիայի ընթացքում ցեղասպանություն է իրականացրել Նամիբիայում։ Կառավարությունը խոստացել է ավելի քան 1 միլիարդ եվրո ֆինանսական աջակցություն՝ աֆրիկյան երկրում ծրագրեր իրականացնելու համար: Այս մասին գրում է RTE-ն։

Նշվում է, որ 1904-1908թթ. կոտորածների արդյունքում գերմանացիները սպանել են տասնյակ հազարավոր բնիկ հերերո և նամայի էթնիկ մարդկանց, որը պատմաբանների կողմից անվանվել է 20-րդ դարի առաջին ցեղասպանություն, տարիներ շարունակ թունավորելով հարաբերությունները Նամիբիայի և Գերմանիայի միջև:

Չնայած Բեռլինը նախկինում խոստովանել էր, որ իր գաղութային իշխանությունների կողմից տեղի են ունեցել վայրագություններ, նրանք մի քանի անգամ հրաժարվել են վճարել ուղղակի հատուցումներ:

«Մենք այժմ պաշտոնապես այս իրադարձություններին կանդրադառնանք այնպես, ինչպես դրանք այսօրվա տեսանկյունից են՝ ցեղասպանություն։ Գերմանիայի պատմական և բարոյական պատասխանատվության լույսի ներքո մենք ներողություն կխնդրենք Նամիբիայից և զոհերի սերունդներից կատարված վայրագությունների համար։ Զոհերին հասցված հսկայական տառապանքները ճանաչելու ժեստով՝ երկիրը 1,1 միլիարդ եվրո ֆինանսական ծրագրի միջոցով կաջակցի Նամիբիայի վերակառուցմանը և զարգացմանը», - ասվում է Գերմանիայի արտգործնախարար Հեյկո Մաասի հայտարարության մեջ:

Բանակցություններին մոտ կանգնած աղբյուրների համաձայն, գումարը կվճարվի ավելի քան 30 տարում, որից առաջին հերթին պետք է օգուտ քաղեն հերերոյի և նամայի հետնորդները:

Այնուամենայնիվ, Մաասը հստակեցրել է, որ վճարումը ճանապարհ չի բացում ցանկացած «փոխհատուցման իրավական պահանջի» համար:

Նամիբիան կոչվում էր Գերմանիայի Հարավ-Արևմտյան Աֆրիկա՝ Բեռլինի 1884-1915 թվականների կառավարման տարիներին, իսկ հետո 75 տարի ընկնում էր Հարավային Աֆրիկայի տիրապետության տակ, մինչև 1990 թվականին վերջապես անկախություն ձեռք բերեց:

Լարվածությունը թեժացավ 1904 թ.-ին, երբ հերերոն, որոնք զրկված էին իրենց անասուններից և հողերից, բողոքի ձայն բարձրացրին, որին անմիջապես հաջորդեց նաման, որոնց ապստամբությունը գերմանական կայսերական զորքերի կողմից ջախջախվեց:

1904-ի օգոստոսին Ուոթերբերգի ճակատամարտում շուրջ 80,000 հերերո, ներառյալ կանայք և երեխաներ, փախան և հետապնդվեցին գերմանական զորքերի կողմից այն կողմում, որն այժմ հայտնի է որպես Կալահարի անապատ: Միայն 15,000-ն են ողջ մնացել:

Ապստամբությունը դադարեցնելուն ուղարկված գերմանացի գեներալ Լոտար ֆոն Տրոտան հրամայեց ոչնչացնել ժողովուրդներին:

Առնվազն 60,000 հերերոս և շուրջ 10,000 նամա սպանվել են 1904 - 1908 թվականներին:

Գաղութային զինվորները մասսայական մահապատիժներ են իրականացրել,անապատներ աքսորել տղամարդկանց, կանանց և երեխաների, որտեղ հազարավոր մարդիկ մահացան ծարավից, և ստեղծեց տխրահռչակ համակենտրոնացման ճամբարներ։

2015 թվականին Գերմանիան և Նամիբիան սկսեցին բանակցություններ վարել մի համաձայնագրի շուրջ, որը համատեղելու է Գերմանիայի կողմից պաշտոնական ներողությունը, ինչպես նաև զարգացման օգնությունը:

Բայց անցյալ տարվա օգոստոսին Նամիբիան ասաց, որ Գերմանիայի առաջարկած հատուցումներն անընդունելի են: Ժամանակին առաջարկի մանրամասներ չեն հաղորդվել: Բայց փորձելով մեղմացնել հաշտեցումը, 2018-ին Գերմանիան վերադարձրեց հերերո և նամա ցեղերի անդամների ոսկորները:

Նշենք, որ երեկ Ֆրանսիայի Նախագահ Էմանուել ՄակրոնըՄակրոնը Կիգալի այցի ժամանակ առաջին անգամ հայտարարեց, որ ընդունում է Ֆրանսիայի պատասխանատվությունը Ռուանդայի ցեղասպանության հարցում։