Ձեր վստահելի աղբյուրը

Վրաստանի վարչապետ Իրակլի Ղարիբաշվիլին շնորհավորել է Ադրբեջանի նախագահ Իլհամ Ալիևին՝ Ադրբեջանի Հանրապետության օրվա առթիվ:

Իրակլի Ղարիբաշվիլին պաշտոնական շնորհավորական նամակում շեշտել է, որ Վրաստանը մեծ նշանակություն է տալիս Ադրբեջանի հետ ռազմավարական գործընկերությանը: Այս մասին գրում է վրացական Առաջին ալիքը։

«Վրաստանը մեծ նշանակություն է տալիս Ադրբեջանի Հանրապետության հետ ռազմավարական գործընկերությանը: Ուրախ եմ նշել, որ մեր համատեղ ջանքերի շնորհիվ արյունավետ կերպով զարգանում են համագործակցությունը և բարիդրացիական հարաբերությունները մեր երկրների միջև: Միևնույն ժամանակ, մենք հավատարիմ ենք սերտ ռազմավարական գործընկերության և բարեկամական կապերի հետագա ամրապնդմանը, ինչը կնպաստի մեր երկրների հետագա առաջընթացին և բարեկեցությանը»,-ասել է Ղարիբաշվիլին՝ «վերահաստատելով իր խոր հարգանքը» Ալիևի նկատմամբ։