Ձեր վստահելի աղբյուրը

Չինաստանը թույլ կտա բոլոր զույգերին ունենալ երրորդ երեխա՝ փորձելով կանխել ծնելիության նվազումը և բնակչության ծերացումը, որոնք երկրի երկարաժամկետ տնտեսական հեռանկարների համար ռիսկեր են: Այս մասին գրում է Bloomberg-ը։

«Թույլ տալ յուրաքանչյուր զույգի ունենալ երեք երեխա և դրա հետ կապված աջակցության քաղաքականության իրականացումը կօգնի բարելավել բնակչության կառուցվածքը», - հայտնել է Xinhua գործակալությունը՝ վկայակոչելով երկուշաբթի կայացած Քաղբյուրոյի նիստին:

Նշվում է, որ Չինաստանը աստիճանաբար բարեփոխում է իր խիստ ծննդյան քաղաքականությունը, որը ընտանիքների մեծամասնությանը երկար տարիներ թույլատրում էր միայն մեկ երեխա ունենալ։ Երկրորդ երեխան ունենալ թույլատրվեց 2016 թվականից:

Նշենք, որ ներկայումս Չինաստանի բնակչության թիվը կազմում է մոտ 1.4 միլիարդ՝ 9.6 միլիոն կմ քառակուսի տարածքում։