Խայտառակ վիճակ է՝ մոտ 200 մարմին անհայտ տեղ է եղել, հիմա հայտնվել է. Անհետ կորած զինծառայողների հարազատներ

Հասարակություն 12:47 31/05/2021 Հայաստան

Խայտառակ վիճակ է՝ մոտ 200 մարմին անհայտ տեղ է եղել, հիմա հայտնվել է. Անհետ կորած զինծառայողների հարազատներ

Անհետ կորած զինծառայողների հարազատները երկու կողմից փակել են Երևանի Հերացի փողոցը: Ուղիղ եթերով անհետ կորած զինծառայողներից մեկի հարազատն ասաց, որ պարզել են՝ այսքան ժամանակ զոհերի մարմինները թաքցրել են սառնարաններում:

«Խայտառակ վիճակ է, մոտ 200 մարմին անհայտ տեղ է եղել, հիմա հայտնվել է: Մարմինները տարբեր տեղեր էին պահել՝ սառնարաններում, մրգերի սառնարաններում, հիմա հանում են, կամաց-կամաց տալիս են»,- ասաց զինծառայողներից մեկի հարազատը՝ Արսեն Ղուկասյանը:

Նա նշեց, որ մի քանի օր առաջ այլ տվյալներ են տվել, այսօր լրիվ ուրիշ տվյալներ:

«Այսօր մատիտով գրված տվյալներ են տվել, որ այսօրվա դրությամբ կա 230 դիակ, 420-427 մասունք։ Մինչև վերջ պետք է գնանք, վերցնելու ենք ամբողջ ցուցակները, գնալու ենք դիահերձարանները: Թող գան ու այս հարցի պատասխանը տան: Ոչ մեկ չէր մտածում, որ մարդկանց այս օրին կհասցնեն:

Շուտ էի ասում՝ իրական թվերից խուսափելու համար մարմինները պահել էին, հիմա կամաց-կամաց տալիս են դիահերձարաններին:

Նոյեմբերի 23-ից մինչև հիմա մարմինը ԴՆԹ արած չի: Ինչո՞ւ արած չէ: Ամբողջական մարմին է ու արած չէ ԴՆԹ: Դա ի՞նչ է նշանակում, որ պահած է եղել մի տեղ, չեն էլ հիշում, որը որտեղից են հանում»,- ասաց Ա. Ղուկասյանը:

Նա նշեց՝ իրենց երեխաներին են ուզում՝ ողջ, թե մեռած:

«Մեր մեռելն էլ մեզ չեք տալիս տանենք, թաղենք: Տարել պահել են, ձգձգում են մինչև հասնի էս ձեր ընտրությունը, հա՞: Ձեր սև գործն անեք, հետո ասեք՝ եկեք վերցրեք ձեր մեռելը»,- ասաց Ա. Ղուկասյանը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: