Ձեր վստահելի աղբյուրը

Վիետնամի առողջապահության նախարարությունը հայտարարել է կորոնավիրուսի նոր տարբերակի հայտնաբերման մասին։ ՆախարարՆգույեն Թան Լոնգն ասել է, որ նոր շտամը, կարծես, Հնդկաստանում և Միացյալ Թագավորությունում առաջացած տարբերակների հիբրիդային ձև է: Այս մասին գրում է Euronews-ը։

Լաբորատոր փորձարկումները կրկին ենթադրում են, որ այն կարող է ավելի հեշտությամբ տարածվել, քան SARS-CoV-2 շտամը, որն ի սկզբանե հայտնաբերվել էր Չինաստանում 2019-ի վերջին:

Առողջապահության համաշխարհային կազմակերպությունը թվարկել է գլոբալ «մտահոգության չորս տարբերակ». Մեծ Բրիտանիայում և Հնդկաստանում հայտնաբերված երկուսը, ինչպես նաև Հարավային Աֆրիկայի և Բրազիլիայի տարբերակները։

Լոնգը հավելել է, որ նոր տարբերակը կարող է լինել Վիետնամում վերջերս վարակի տարածման ետևում, որն այժմ տարածվել է երկրի 63 համայնքներից և մարզերից 30-ում:

2020-ին խիստ արգելափակումների արդյունքում որ այս տարվա մայիսի սկզբին Վիետնամը գրանցել էր ընդամենը 3100 հաստատված դեպք և 35 մահ՝ COVID-19-ից: Սակայն անցյալ շաբաթ երկրում գրանցվել է ավելի քան 3500 նոր դեպք և 12 մահ:

Երկիրն ունի 96 միլիոն բնակչություն և մինչ այժմ պատվաստել է մոտ մեկ միլիոն մարդու AstraZeneca-ով, մինչդեռ անցյալ շաբաթ Pfizer-ի հետ 30 միլիոն դեղաչափերի գործարք է ապահովել:

Նոր փոխանցումների մեծ մասը հայտնաբերվել է Բակնին և Բակզյանգ երկու արդյունաբերական նահանգներում, որտեղ հարյուր հազարավոր մարդիկ աշխատում են խոշոր ընկերություններում, ինչպիսիք են Samsung-ը, Canon-ը և Luxshare-ը՝ Apple-ի արտադրանքների հավաքման գործընկերը: