Ձեր վստահելի աղբյուրը

ՀՀ երրորդ նախագահ, ՀՀԿ նախագահ Սերժ Սարգսյանը Մասիսում հանդիպել է «Պատիվ ունեմ» դաշինքի համակիրների հետ, անդրադարձել երկրի առջև ծառացած ամենացավոտ հարցերին: Այս մասին հայտնում են ՀՀ երրորդ նախագահի գրասենյակից։ 

«Արդեն 67 տարեկան մարդ եմ։ Այդ ընթացում ես ամեն ինչ տեսել եմ, ամեն ինչ՝ պատերազմ, ընկերների զոհվելու սահմռկեցուցիչ տեսարաններ, զրուցել եմ 2-3 որդի կորցրած ծնողների հետ։ Ամեն ինչ տեսել եմ և, ինձ թվում էր, այլևս զարմանալու ունակություն չունեմ այդպես շատ, լացելու ունակություն չունեմ։

Նկարները, որոնք տեսել եմ, ինձ թվաց արյունը սառեց իմ երակներում։ Բայց լավ, մա՞րդ են դրանք։  Մարդկային որևէ բան կա՞, 1 միլիմետր մարդային որակ կա՞ դրանց մեջ։  Ո՞նց կարելի է  հայրենիքի համար զոհված հերոս տղաները, ամենաթանկագին բանը՝ կյանքը տվել են այս երկրին, իսկ այս անասունները բերել են, լցրել են այդ մարդկանց սառնարան։ Բա սատանա չե՞ն սրանք, բա ի՞նչ են։

Ախր բաներ կան, որոնց մասին ուղղակի չես կարող հանգիստ խոսել»,- հանդիպման ժամանակ ասել է Սերժ Սարգսյանը։

Հանդիպումից մի հատված՝  տեսանյութում։