Ձեր վստահելի աղբյուրը

«Հիմա քարոզչություն անելու ժամանա՞կ է, թշնամին մեր երկրում է։ Ես անհարմար եմ զգում, անհարմար»,- Մասիսում «Պատիվ ունեմ» դաշինքի համակիրների հետ հանդիպմանն ասել է ՀՀ երրորդ նախագահ, ՀՀԿ նախագահ Սերժ Սարգսյանը։

Նա նշեց՝ կապիտուլյանտ կոչվածը գնում, միտինգներ է անում, այս ընթացքում ինչ ասես, արել է, քարոզչություն է իրականացնում, ընտրություն է անում։

«Մենք քարոզչություն անելու սիրտ ունե՞նք այս օկուպացված երկրում։ Եթե պնդում եք, որ պետք է անենք, մենք էլ կսկսենք անել, բայց, հավատացեք, ինձ համար ամոթ է: Ամաչում եմ, իրենց փոխարեն ամաչում եմ, իսկ այդ սատանաներն այստեղ-այնտեղ ընկած քարոզչություն են անում:

Անենք, մենք էլ կանենք, մենք էլ անենք, բայց իմացեք, որ դա մեր սրտով չէ։ Իմ երեսը չի բռնի գնամ,  սուտ բան ասեմ, Վանեցյանի երեսը չի բռնի գնա, սուտ բան ասի։ Իսկ ինքը չի սատկում, ասում է՝ հպարտ եմ, որ պարտվել ենք ու կարող ենք բաց աչքով նայել ձեզ։ Մարդկանց ինչի՞ տեղ է դրել։

Այո, մենք ուզում ենք ընտրություններում շատ ձայներ տանել, բայց չգիտեմ, այդ կապիկությունների ժամանակն անցել է»,- ասել է ՀՀ երրորդ նախագահը։

Հանդիպումից մի հատված՝  տեսանյութում։