Ձեր վստահելի աղբյուրը

Սիոնիստական ​​ռեժիմի պաշտոնական զեկույցի համաձայն՝ չնայած կորոնավիրուսային պայմաններին, անցած  տարի իսրայելական զենքի վաճառքն աճել է  15 տոկոսով՝ կազմելով ավելի քան 8 միլիարդ դոլար: Ադրբեջանին Իսրայելական զենքի վաճառքի ծավալները  նույնպես աճել են: Այս մասին գրում է Pars Today կայքը՝ հղում անելով Ադրբեջանի LAF TV հեռուստաալիքին։

«Ատլաս» հետազոտական ​​կենտրոնի տնօրեն Էլխան Շահինօղլուն  LAF TV հեռուստաալիքին տված հարցազրույցում, ասել է.«Անցյալ տարվանից Ադրբեջանը դադարեցրել է զենքի գնումը Ռուսաստանից, ինչը ճիշտ ռազմավարություն է: Քանի որ ռուսական զենքը որակյալ չէ, և անցյալ տարվանից Բաքուն, Ռուսաստանի փոխարեն,  Իսրայելից է զենք գնում»:

Նա հավելել է.«Իսրայելի և Ռուսաստանի միջև մեծ տարբերությունն այն է, որ Իսրայելը որակյալ զենք է վաճառում Ադրբեջանին: Մյուս տարբերություն այն է, որ այն զենքը, որն Իսրայելը վաճառում է Ադրբեջանին, չի տրամադրում  մեր թշնամուն ՝ Հայաստանին»:

Էլխան Շահինօղլուն նշել է.«Մենք Իսրայելից գնած զենքով ծանր հարված հասցրինք Հայաստանին: Մենք  պետք է  մեր բարեկամ երկրներից՝ Իսրայելից, Թուրքիայից, Ուկրաինայից ու Պակիստանից զենք գնենք»:

Էլխան Շահինօղլուն Ադրբեջանում թուրքական ռազմաբազայի տեղակայման վերաբերյալ ասել է.«Ադրբեջանի նախագահ Իլհամ Ալիևը Թուրքիայի  ընկերություններին հրավիրել է արդյունահանել Քյալբաջարի հարուստ ռեսուրսները և  այնտեղ թուրքական ընկերությունների անվտանգությունն ապահովելու համար անհրաժեշտ է, որ Թուրքիան ռազմական ուժ ունենա տարածքում»