Ձեր վստահելի աղբյուրը

Հայաստանի տարածքում թշնամու ներկայության պայմաններում  ընտրական գործընթացները «Լուսավոր Հայաստան» կուսակցության նախագահ Էդմոն Մարուքյանը համարում է ոչ նորմալ։

«Այս ընտրությունների մաս է դարձել նաև Ադրբեջանը։ Նա միջամտում է մեր ընտրական գործընթացներին ու կարողանում է ներքաղաքական խժդժություններ հրահրել մեր երկում սահմանային լարումներով ու այլ բաներով»,- Շիրակի մարզում ունեցած ունեցած հանդիպման ժամանակ հայտարարեց ԼՀԿ նախագահ Մարուքյանը։

Նա հորդորեց ներկաներին իրենց ձայնը տալ «Լուսավոր Հայաստան»-ին՝ փոխարենը խոստանալով, հաղթելու դեպքում ձևավորելու են ազգային համաձայնության կառավարություն։

«Պետք է համախմբել բևեռներին, որպեսզի այս վիճակից դուրս գանք։ Որպեսզի լինի համախմբում, պետք է լինի համախմբող։ Ես ասում եմ՝ պատրաստ եմ համախմբել, ոչ մեկի հետ անձնական թշնամություն չունեմ, կան քաղաքական տարաձայնություններ, որոնք այս վիճակում պետք է մի կողմ դրվեն, պետք է պրոֆեսիոնալ մարդկանց կարողություններն օգտագործվեն, որպեսզի երկիրն այս վիճակից դուրս բերվի»,-ասաց նա։

Հանդիպման տեսանյութը հրապարակել է Մարուքյանը ֆեյսբուքյան իր էջում։