Ձեր վստահելի աղբյուրը

«Կենդանի վիճակում խոշոր եղջերավոր անսունների, ոչխարներին և այլ չմշակված մորթերի արտահանման սահմանափակում է իրականացվում՝ հաշվի առնելով այն փաստը, որ կառավարության կողմից քայլեր է գործադրվում երկրորդային հումքը վերամշակելու նպատակով» ,- կառավարության նիստում հայտնեց էկոնոմիկայի նախարարի տեղակալ Ավագ Ավանեսյանը՝ ներկայացնելով Հայաստանից մի շարք ապրանքների արտահանման ժամանակավոր արգելք կիրառելու մասին նախագիծը:

Նրա խոսքով՝ 6 ամիս ժամկետով արտահանման արգելքի սահմանումը թույլ կտա 16.1 %-ով ավելացնել կաշվի և կոշիկի արտադրությունը, 29.7 %-ով՝ կոշիկի արտադրությունից ստացվող շահույթը, իսկ  պետական եկամուտները կավելանան 5.9 %-ով.

Էկոնոմիկայի փոխնախարարը հայտնեց, որ ներկայումս Հայաստանում կաշվի վերամշակման գործունեություն իրականացնող տեղական արդյունաբերական ընկերություններն ունեն կաշվի հումքի պահանջարկ և հումքային բազայի հնարավորությունները դեռևս ոչ ամբողջական հզորությամբ են օգտագործվում։