Ձեր վստահելի աղբյուրը

Իրավապաշտպան, Արցախի նախկին ՄԻՊ, «Իրավական ուղի» ՀԿ համահիմնադիր Ռուբեն Մելիքյանը հրապարակել է «շիշ բռնող» մականունով հատնի իմքայլական պատգամավորի հայտարարություններն ու գրել.

«ՀՀ քրեական օրենսգրքի 164-րդ հոդվածի 2-րդ մասի համաձայն՝ «Լրագրողի մասնագիտական օրինական գործունեությանը խոչընդոտելը կամ նրան տեղեկություններ … տարածելուց հրաժարվելուն հարկադրելը…, որը կատարել է պաշտոնատար անձն իր պաշտոնեական դիրքն օգտագործելով՝

պատժվում են տուգանքով՝ նվազագույն աշխատավարձի չորսհարյուրապատիկից յոթհարյուրապատիկի չափով, կամ ազատազրկմամբ՝ առավելագույնը ԵՐԵՔ ՏԱՐԻ ժամկետով՝ …»:

ՀՀ քրեական դատավարության օրենսգրքի 183-րդ հոդվածի ուժով՝ այս հանցակազմը ՀԱՆՐԱՅԻՆ (այլ ոչ թե մասնավոր) մեղադրանքի գործ է, այսինքն տուժողի բողոքի անհրաժեշտություն չկա։

Ստորև ներկայացված տեսանյութում ԱԺ պատգամավոր, ՔՊ ցուցակով պատգամավորի թեկնածուն ՄԱՆՐԱՄԱՍՆ ու ԱՄԲՈՂՋԱԿԱՆ նկարագրում է իր իսկ կողմից «Լրագրողի գործունեությանը խոչընդոտելու» հանցանքը կատարելու ողջ ընթացքը։ Ապացուցողական իմաստով՝ անգամ տուժողի հարցաքննության կարիքը չկա։

Եվ ու՞ր է հարուցված քրեական գործը։ Ու՞ր է պատգամավորի նկատմամբ քրեական հետապնդում հարուցելու («անձեռնմխելիությունից զրկելու») միջնորդությունը Ազգային ժողով։
Վերջերս հրապարակավ ասել էի, որ դատախազությունը վերածվել է «Քաղաքացիական պայմանագիր» կուսակցության մասնաճյուղի, հետո էլ իմացա, որ որոշ մարդիկ նեղվել էին։ Դե հիմա՛ ձեն հանեք։ Ա՛յ փալասներ»։