Ձեր վստահելի աղբյուրը

ԻԻՀ արտգործնախարար Մոհամադ Ջավադ Զարիֆն անդրադարձել է ՄԱԿ-ի ԱԽ-ում Իրանին պարտքի պատճառով ձայնի իրավունքից զրկմանը, ասելով, որ ՄԱԿ-ը կարող է Իրանի անդամավճարը վերցնել այն 110 միլիոն դոլարից, որ ԱՄՆ-ն գողացել է Թեհրանից:

««Շրջված փաստերի» աշխարհում, անդամավճարի ուշացման պատճառով, ՄԱԿ-ն Իրանին զրկում է Գլխավոր ասամբլեայում քվեարկելու իրավունքից։ Նրանք հաշվի չեն առել,  որ ԱՄՆ-ի տնտեսական ահաբեկչությունն Իրանին խանգարել է անգամ սննդի համար վճարում կատարել, ուր մնաց ՄԱԿ-ի անդամավճարը»,- թվիթերում գրել է Զարիֆը։

Նա գրառմանը կցել է ՄԱԿ-ի Գլխավոր քարտուղար Անտոնիո Գուտերեշին ուղղված իր անգլերեն նամակի նկարը:

Զարիֆն ի նկատի ունի Վաշինգտոնի կողմից իրանական տանկերի առգրավումը և 2 միլիոն բարել հում նավթի վաճառքից գոյացող գումարը, որը կազմելու է 110 միլիոն  դոլար: Իրանը  տանկերի բռնագրավումը որակել է որպես ծովահենություն:

In “black is white” world, UN deprived Iran of its voting rights in the #UNGA as we’re in arrears.

Not considered: US #EconomicTerrorism prevents Iran paying for FOOD, let alone UN dues

My letter to @antonioguterres:

ps: UN can also collect from $110M US stole in recent piracy pic.twitter.com/xe30TsxP8f

— Javad Zarif (@JZarif) June 3, 2021