Ձեր վստահելի աղբյուրը

«Պատգամավորը, որը մինչև ընտրվելն ուներ մի հատ «Ջորի», հիմա տներ են հայտնվել իր մոտ, մեքենաներն են ճոխացել»,- ԱԺ-ում ունեցած ելույթում ասաց «Իմ քայլը» խմբակցությունը լքած Սոֆիա Հովսեփյանը:

Նա հայտարարեց, որ  2018 թվականից հետո կարծում էր, թե կոռուպցիայի հարցերը լուծված կլինեին, սակայն միայն դրա ձևերը փոխվեց, իսկ կոռուպցիան չվերացավ:

Ներկայացնելով իր դեպքը՝ պատգամավորը հայտնեց, որ ընտրվելուց հետո իր մոտ միայն պարտքերն են ավելացել, որովհետև միայն աշխատավարձը չի բավարարում մարզեր այցելելու համար, և ավելորդ է խոսել մեքենաներ, տներ կամ հաստատություններ գնելու մասին:

Հովսեփյանը շեշտեց, որ երբ «Իմ քայլը» խմբակցությունում էր, այս հարցերն էլի բարձրաձայնում էր, որոնց չեն տրվել պատասխանններ:

Նա կարծիք հայտնեց, որ երբ մարդու ձեռքը սովոր է գողանալուն, ապա անընդհատ գողանալու է և այն ավելի ճոխացրած է անելու:

«Մենք փաստացի խոսում ենք, որ բանակը չի զինվել, որովհետև տարիներով կոռուպցիա է եղել, ես չեմ հերքում այդ հանգամանքը, բայց բանակը կրկին չի զինվում, որովհետև շարունակվում է կոռուպցիա տեղի ունենալ»,- հայտարարեց Սոֆիա Հովսեփյանը և նկատեց, որ զինվորն այսօր մնացել է բահերով կռվելու կարգավիճակում, այն դեպքում, երբ ամեն ինչ պետք է արվեր զինվորին ապահովելու համար: