Ո՞ր քաղաքական ուժերը կանցնեն Խորհրդարան
Փակ սկզբունքով հանրային հարցումներ են իրականացվել, որոնց արդյունքում այս պահին առաջատար քաղաքական ուժը՝ «Հայաստան» դաշինքն է։ Այս մասին «Panorama.am»-ի հետ զրույցում տեղեկացրեց քաղաքական տեխնոլոգ Արմեն Բադալյանը։
Նախաընտրական քարոզարշավին մասնակցելու հայտ ներկայացրած 26 քաղաքական ուժերին Բադալյանը բաժանեց պայամանական երկու մասիէ «ազդեցիկ» և «երանգ ստեղծող»։ Ազդեցիկ ուժերն, ըստ նրա, չորսն են՝ «Հայաստան» դաշինքը, «Քաղաքացիական պայմանագիր» կուսակցությունը, «Պատիվ ունեմ» դաշինքն ու «Բարգավաճ Հայաստան» կուսակցությունը։
Քաղաքական տեխնոլոգի կարծիքով, այս պահին այս չորս ուժերն ունեն ռեալ հնարավորություն՝ խորհրդարան անցնելու։
«Մոտավորապես դիրքավորվելու են հետևյալ կերպ՝ առաջին տեղում «Հայաստան» դաշինք, երկրորդը՝ «Քաղաքացիական պայմանագիր» կուսակցությունը, իսկ երրորդ և չորրորդ տեղերի համար կպայքարեն «Պատիվ ունեմ» դաշինքն ու «Բարգավաճ Հայաստան» կուսակցությունը։ Իսկ մնացած ուժերը երանգային ուժեր են՝ հարցազրույցներ կտան, կերևան Հանրային հեռուստատեսությամբ, քարոզարշավ կիրականացնեն, բայց «0»-ին մոտ վարկանիշ ունեցող ուժեր են»,-ասաց Բադալյանը։
Նրա խոսքով՝ առաջին երկու քաղաքական ուժերը պայքարում են, որպեսզի իրենց ղեկավարները վարչապետ դառնան, իսկ մյուս երկու քաղաքական ուժերը՝ խորհրդարանում հայտնվելու խնդիր են լուծում։
Քաղաքական տեխնոլոգը հայտնեց, որ ներկա դրությամբ ոչ մի քաղաքական ուժ «50+» տոկոս չի հավաքում։ Այդուհանդերձ, հարկ է ուշադրություն դարձնել այն հանգամանքին, որ խորհրդարան մտնող հավանական ուժերը հայտարարել են՝ «Քաղաքացիական պայմանագիր» կուսակցության հետ դաշինք չեն կազմի։
«Կարող են կոալիցիա ձևավորել «Հայաստան», «Պատիվ ունեմ» դաշինքներն ու «Բարգավաճ Հայաստան» կուսակցությանը։ Նման պարագայում «Քաղաքացիական պայմանագիրը», որի վարկանիշը մեկ շաբաթ առաջ իրականացված հարցումների արդուքներով 20 տոկոս էր կազմում, այս պահի դրությամբ հնարավորություն չունի 20 տոկոսը դարձնել 50+1, որպեսզի միանձնյա իշխանություն ձևավորի։ Իսկ խորհրդարան անցնող պոտենցիալ դաշնակից ուժեր, այս պահին չունի»,- ասաց Արմեն Բադալյանը։
Սա նշանակում է, ինչպես նշեց քաղտեխնոլոգը, ըստ սոցհարցումների, ՀՀ վարչապետ դառնալու ամենամեծ հնարավորությունն ունի Ռոբերտ Քոչարյանը։
«Եթե ձևավորվի խորհրդարանական կոալիցիա, ապա, բնականաբար, վարչապետի թեկնածու ընտրվելու է ՀՀ երկրորդ նախագահը»,- ընդգծեց նա։
Անդրադառնալով հանրային տրամադրվածություններին՝ ընտրություններին մասնակցելու առումով, Բադալյանն ասաց, որ քչերն են ուզում մասնակցել ընտրություններին։ Թեև նկատեց, որ միշտ է այդպես եղել և որքան մոտենա ընտրության օրը, այդքան մեծանալու է իրենց քվեն որոշիչ դարձնել ցանկացողների թիվը։
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
