Ձեր վստահելի աղբյուրը

«Այո, այս ստահակները տարիներ ի վեր խոսում էին այն մասին, որ Ղարաբաղը պետք է տալ, Ղարաբաղից պրծնել, որ Հայաստանում հանգիստ ապրենք: Սրանց համար Ղարաբաղը վզից կախված քար է եղել, մեծ քար»,-  Ջերմուկ քաղաքում «Պատիվ ունեմ» դաշինքի ակտիվի և տեղի բնակիչների հետ հանդիպմանը հայտարարել է ՀՀ երրորդ նախագահ Սերժ Սարգսյանը:

Նա նշել է, որ փորձել են բացատրել, ասել, որ Հայաստանից, այդ թվում՝ Ջերմուկից զորակոչված զինվորները, ծառայելով Ղարաբաղում, Պաշտպանության բանակում, պաշտպանում են ոչ միայն Ղարաբաղի, նաև՝ Հայաստանի սահմանները:

«Հիմա, վստահ եմ, բոլորդ էլ դրանում համոզվել եք, սյունեցիներն ավելի շատ են համոզվել, Գեղարքունիքում ապրողներն ավելի շատ են համոզվել:

Նոր, որպեսզի իմ տեղեկությունը ճշտեմ, հարցնում եմ՝ ադրբեջանցիները Ջերմուկից քանի՞ կիլոմետր հեռավորության վրա են: 10 կմ հեռավորության վրա՞: Բա սա խայտառակություն չէ՞, ե՞րբ է եղել այդպիսի բան, 10 անգամ ավելի հեռու էին:

Ամոթ չէ՞ մեզ համար, սա՞ էինք ուզում, իսկ ո՞վ է ասել, որ  վաղը, մյուս օրը այդ 10 կիլոմետրը 2 չի դառնալու:

Սա պրոբլեմ է, որը դեռևս չի ավարտվել, և ինչքան այս ստախոսները, կապիտուլյանտները մնան իշխանության, միշտ էլ կարելի է ցանկացած անակնկալ սպասել: Ցանկացած»,- ասել է Սերժ Սարգսյանը: