Ձեր վստահելի աղբյուրը

«Եթե Հայաստանում մենք չձեռնարկենք մի շարք հրատապ քայլեր, ապա մեր ձեռքերը կապված են լինելու մեր ծրագրի անվտանգության միջոցառումներն իրականացնելու հարցում»,-հայտարարեց ՀՀ առաջին նախագահ Լևոն Տեր-Պետրոսյանի գլխավորած ՀԱԿ կուսակցության ներկայացուցիչ Արման Մուսինյանը։

Նրա խոսքով, երկրում առաջնահերթ է պետական համակարգի կառավարելիության աահովումը։

«Ցավոք, գործող իշխանության քայլերի շնորհիվ մենք ունենք կազմալուծված պետական համակարգ, որի մի մասն է կազմում նաև ուժային, անվտանգային համակարգը։ Այսօր, եթե նույնիսկ ընդունվում են խեամիտ որոշումներ, այդ համակարգի խաթարված, ջարդված լինելը թույլ չի տալիս դրանք իրականացնել։ Թեև պետք է անկեղծ լինենք ու ասենք, որ թե նախապատերազմյան, թե պատերազմական, թե հետպատերազմյան շրջանում  այս կառավարությունն այդպես էլ ունակ չեղավ մի խելամիտ որոշում կայացնել»,-ասաց նա։

Մուսինյանը խիստ կարևորեց նաև ներքաղաքական կայունությունն ու հասարակության շրջանում համերաշխության ծիլեր գցելը։

«Դա կլինի ամուր թիկունք հաջորդ իշխանությունների համար աշխարհի, հարևանների, հակառակորդների, բարեկամների և չարակամների հարաբերություններում ավելի ուժեղ զգալու»,-նշեց նա։

ՀԱԿ ընտական ցուցակը՝ այստեղ։