Ձեր վստահելի աղբյուրը

ԱԺ «Բարգավաճ Հայաստան» խմբակցության անդամներն այսօր ներկայացրեցին ԲՀԿ-ի նախընտրական ծրագիրը: ԲՀԿ անդամ Իվետա Տոնոյանն ասաց, որ ԲՀԿ-ն այս ընտրություններին մասնակցում է «Անվտանգ հայրենիք, Հզոր պետություն» կարգախոսով:

«Այս կարգախոսը բացարձակապես պատահական չէ ընտրված, քանի որ  այսօր մեր երկրի  բացարձակ առաջնահերթությունը, իհարկե, անվտանգությունն է  և դրանից հետո նոր տնտեսության զարգացումը, հզոր պետության ստեղծումը»,-  նշեց նա:

Ի. Տոնոյանի խոսքով, քարոզարշավին ԲՀԿ-ն նախագահ Գագիկ Ծառուկյանի գլխավորությամբ  ունենալու է  շատ ակտիվ մասնակցություն, Գ.Ծառուկյանն անձամբ 10 մարզերում  ունենալու է  հանդիպումներ՝ ներկայացելու կուսակցության ծրագիրը: Բացի այդ, նա նշեց, որ տարբեր քարոզչական խմբեր ողջ ընթացքում այցելելու են ՀՀ մարզեր, փոքր համայնքներ՝ ներկայացնելու  երկրի զարգացման իրենց քաղաքական տեսլականը:

Ի.Տոնոյանն ասաց, որ ԲՀԿ նախընտրական ծրագիրը հիմնված է իրատեսական հիմքերի վրա, հաշվի են առնվել բոլոր առաջնահերթությունները, որոնք ծառացած են պետության առջև:

«Գագիկ Ծառուկյանի գլխավորությամբ մշակվել են 30 կետեր, բնականաբար ամբողջությամբ չեն ներկայացնի խնդիրների լուծման մեխանիզմների սպեկտորը, սրանք սրանք առաջնահերթ քայլերն ենք, որոնք անհրաժեշտ են իրականացնել»,- ասաց ԲՀԿ անդամը:

Ծրագրում, նրա խոսքով, ներկայացված է տաս մարզերի համաչափ զարգացման  առաջնահերթությունը, երիտասարդ ընտանիքների համար մաչելի սոցիալական  բնակարանաշինություն իրականացնելու վերաբերյալ դրույթ ունեն, արժանապատիվ նվազագույն աշխատավարձ և թոշակներ ունենալու հարցի կարգավորումը ևս կուսակցության առաջնահերթությունների շարքում է:

«Մենք վստահաբար բոլոր այս ծրագրերի իրականացման մեխանիզմները գիտենք, գիտենք ինչպես կյանքի կոչել դրանք: Մեզ անհրաժեշտ է մեր հայրենակիցների վստահությունը հաղթելու ու այս ծրագրերը կյանքի կոչելու համար»,- ասաց Իվետա Տոնոյանը: